Te ndi mwaŵi ukulu ukongwa chifukwa tija mu nyengu yo Yehova watitiwovya kulivwisa ukongwa Bayibolu kuluska kali. (Dani. 12:4) Chinanga kuti ve viyo, vingaja vakusuzga kuziŵa fundu zauneneska za mu Bayibolu zo zasintha. Kumbi tingazisaniya pani fundu zo zasintha kweniso mo azikonkhoske sonu?

• Mu Watch Tower Publications Index pa kamutu kakuti “Beliefs Clarified” pe mundandanda wa fundu zo zasintha ndipu zikuŵikika mwakukoliyana ndi chaka chaki. Kuti musaniyi mundandanda wa mitu ya nkhani mu Watchtower Library pamwenga pa Watchtower ONLINE LIBRARY^™ lembani mazu ngakuti “understanding clarified” (muwikeku timakoteshoni) pa kabokosi kakufufuziya.

• Kabuku Kakufufuziya Nkhani ka Akaboni aku Yehova ke ndi mitu yimanavi ya nkhani zenizi. Lutani po alemba kuti “Akaboni aku Yehova,” pavuli paki lutani pakamutu kakuti “Vigomezu Kweniso mo Ŵanthu Awone Vinthu,” ndipuso pa kamutu kakuti “Kusintha kwa mo Tavwiyanga Fundu Zinyaki.”

Pa sambiru la pakumwija, mungachita umampha kuŵerenga nkhani zo zasintha pambula kuswera yapa kuti muziŵi vo vasintha kweniso vifukwa va mu Malemba vo asinthiya.