Apapi ŵe ndi udindu ukulu wakusambiza ŵana ŵawu vakukwaskana ndi Yehova. (Aefe. 6:4) Gulu laku Yehova lapanga nkhani zinandi, mavidiyo ndipuso sumu kuti liwovyi apapi. Kumbi mungavigwiriskiya wuli ntchitu vinthu venivi pakusambiza ŵana ŵinu?

• Saniyani vinthu venivi. Pa JW.ORG pe vinthu vinandi vo vikulembeke achinyamata, ndipu vinthu venivi visazgapu mavidiyo kweniso mapeji nga vakuchita vo angalemba pamwenga kujambula. a Kuti musaniyi vinthu venivi lembani mukabokosi kakufufuziya mazu ngakuti, “Ŵana” pamwenga “Achinyamata.”

• Sankhani vo vingawovya mwana winu. Pachigaŵa chakuti “Ŵana” sankhani vakuchita vo muwona kuti vingawovya mwana winu. Kuti musaniyi vinthu venivi fufuzani mazu ngakuti, “Zochita pa Kulambira kwa Pabanja” pa jw.org/ny.

• Muchitengi vinthu venivi limoza ndi ŵana ŵinu. Lekani kugwiriskiya ntchitu mavidiyo, sumu kweniso vinthu vinyaki vakujambula ndi chilatu chakuti mwana winu wasaniyi waka vakuchita. Mumalu mwaki mukambiskanengi nayu vinthu venivi ndi kumuwovya kuti waje pa ubwezi wakukho ndi Yehova.