Kumbi mukuŵerenga magazini ngosi nga Chigongwi cha Alinda ngo ngatuwa pambula kuswera yapa? Asani ndi viyo, yesani kumuka mafumbu yanga:

Kumbi Akhristu atenere kuwotcha chiŵanda?

Munthu wangasankha kuwotcha chiŵanda pamwenga cha. Chinanga kuti Bayibolo likamba chechosi cha pa nkhani iyi, kweni tikhumbika kuziŵa kuti chiŵanda cha Fumu Sauli ndipuso mwana waki Jonafani vinguwotcheka ndipu pavuli paki anguwundiya vyotu vaki. (1 Sam. 31:2, 8-13)​—6/15, peji 7.

Kumbi tingasimikizga wuli kuti ndi Chiuta cha yo wachitiska masuzgu?

Chiuta ndi murunji munthowa zaki zosi. Iyu wachita vinthu mwauneneska ndipuso ngwakugomezgeka. Kweniso Yehova ngwachanju ndipuso ngwalisungu. (Mar. 32:4; Sumu 145:17; Yak. 5:11)​—9/1, peji 4.

Kumbi ndi masuzgu nanga ngo munthu wangachikumana nangu asani wakhumba kuchiteŵete ko kukhumbika apharazgi anandi?

Wangachikumana ndi masuzgu yanga (1) kuziŵiriya umoyu wa kumalu kweniko, (2) kuchita phukwa, ndipuso (3) kuziŵiriyana ndi abali ndipuso azichi a ko wasamiya. Anandi wo akunthiyapu masuzgu ngenanga asaniya vitumbiku vinandi.​—7/15, peji 4-5.

Nchifukwa wuli ŵanthu atitiyanja ukongwa timapepala tasonu, nanga nchifukwa wuli nthambula kusuzga kutigwiriskiya nchitu?

Timapepala tosi tikulembeka mwakuyanana. Kapepala kekosi kachitiska kuti tiŵerengi lemba la m’Bayibolo ndipuso ke ndi fumbu lo tingafumba mweneku wa nyumba. Asani wamuka, tingamulongo peji lachiŵi kuti wawoni vo Bayibolo likamba. Tingamulongo so fumbu linyaki kuti tizikambiskani nayu pa ulendu wachiŵi.​—8/15, peji 13-14.

Kumbi apapi angachita wuli kuti aleri umampha ŵana ŵawu?

Apapi akhumbika kuti aŵavwisiyengi ŵana ŵawu kuti aŵaziŵi umampha. Akhumbika kuyesesa kuŵawovya mwauzimu kweniso mwachanju asani ayamba kukayikiya vinthu vauzimu.​—9/15, peji 18-21.

Kumbi ndi phanganu nili la m’Bayibolo lo litovya ŵanthu kuti akawusi ndi Khristu?

Yesu wati wachita Phaska ndi akusambira ŵaki, wanguchita nawu phanganu lo liziŵika kuti phanganu la Ufumu. (Luka 22:28-30) Phanganu lenili litiŵawovya kuti akawusiyi nayu limoza kuchanya.​—10/15, peji 16-17.

Kumbi ŵanthu akuziŵika ndi “zina laki” wo Yakobe wangukamba pa Machitidu 15:14 mbayani?

Ŵenga Ayuda ndipuso ŵanthu a mitundu yinyaki wo Chiuta wangusankha kuti aje mtundu wapade. Kweniso wanguŵasankha kuti ‘ataulengi maumampha’ ngaku Mweniyo wakuŵadana. (1 Pet. 2:9, 10)​—11/15, peji 24-25.