“Lutirizgani Kutumbika Abali Aviyo”
KWAMBIYA mu 1992, Wupu Wakulongozga usankha abali akukhwima mwauzimu kuti awovyengi mumakomiti nga wupu uwu. a Abali yaŵa wo mba “mbereri zinyaki” atovya ukongwa Wupu Wakulongozga. (Yoh. 10:16) Aŵapu pa maunganu ngo makomiti nga wupu uwu ngachita sabata yeyosi ndipu akonkhoska vo vichitika ndi kupereka masachizgu. Abali a mu Wupu Wakulongozga ndiwu agamuwa vo vitenere kuchitika, kweni abali wo atovya makomiti ndiwu awonesesa kuti vo wupu wagamuwa vachitika. Kweniso achita ntchitu yeyosi yo apaskika. Yiwu aluta ndi abali a mu Wupu Wakulongozga ku maunganu ngapade kweniso nga vyaru. Nyengu zinyaki, atende maofesi nga nthambi nge akumiya likulu la Akaboni aku Yehova.
M’bali yo wachitapu uteŵeti uwu kwambiya mu 1992, wangukamba kuti: “Asani ndichita ntchitu zo ndapaskika, nditovya abali a mu Wupu Wakulongozga kuti aŵikengi ukongwa mtima pa vinthu vauzimu.” M’bali munyaki yo wateŵete kwa vyaka vakujumpha 20, wangukamba kuti: “Ndi mwaŵi ukulu ukongwa kovya abali a mu Wupu Wakulongozga.”
Wupu Wakulongozga utiŵagomezga ukongwa abali ŵenaŵa ndipu uwonga ntchitu zamampha zo achita. Mwaviyo, nasi titenere ‘kulutirizga kutumbika abali aviyo.’—Ŵaf. 2:29.
a Asani mukhumba kuziŵa vinandi vakukwaskana ndi ntchitu za makomiti 6 nga Wupu Wakulongozga, wonani bokosi la mutu wakuti, “Mo Wupu Wakulongozga Uphwerere Nchitu za Ufumu,” muchaputala 12 cha buku lakuti, Ufumu Waku Chiuta Uwusa!
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Wupu Wakulongozga wa Akaboni aku Yehova Ntchinthu Wuli?
Abali a mu Wupu Wakulongozga mbalongozgi a gulu lidu?
