Vo Bayibolo Limuka

Kumbi ŵanthu akutorana angachita wuli kuti ajengi mwakukondwa?

Ulongozgi wa m’Bayibolo wa mo ŵanthu akutorana angajaliya mwakukondwa, utovya chifukwa utuliya kwaku Yehova Chiuta, yo wakwambisa nthengwa. Usambiza mo angajaliya ndi mijalidu yo yingawovya kuti ajengi mwakukondwa ndipuso utiŵatcheŵeska kuti akhumbika cha kuja ndi maŵanaŵanu ngo ngangananga nthengwa. Usambiza so mo ŵanthu akutorana angachitiya kuti akambiskanengi umampha, vo vitovya kuti ajengi mwakukondwa.—Ŵerengani Ŵakolose 3:8-10, 12-14.

Munthurumi ndi munthukazi akhumbika kutumbikananga. Asani wosi agwiriskiya nchitu udindu wo Chiuta wakuŵapaska, akhoza kuja mwakukondwa.—Ŵerengani Ŵakolose 3:18, 19.

Nchinthu wuli chingawovya kuti nthengwa yileki kumala?

Ŵanthu akutorana, angaja mwakukoliyana asani atanjana. Chiuta watitisambiza vo tingachita kuti tiyanjanengi. Iyu ndi Mwana waki Yesu, nchakuwoniyapu chamampha pa nkhani ya chanju cho chichitiska munthu kusuzgika chifukwa cha munyaki.—Ŵerengani 1 Yohane 4:7, 8, 19.

Asani munthurumi ndi munthukazi atumbika nthengwa ndipu atiyiwona kuti wakuyiyambisa ndi Chiuta, yiwu angalekana cha. Chiuta wachiyambisa nthengwa, wakhumbanga kuti ŵanthu akutorana angalekananga cha kwa umoyu wawu wosi kweniso kuti mabanja ngavikilirikengi. Nthengwa yikhoza kuleka kumala chifukwa chakuti Chiuta wakulenga munthurumi mwakupambana ndi munthukazi, yiwu apambana mo awoneke ndipuso kaŵanaŵaniru. Iyu wakuŵalenga muchikozgu chaki ndipuso kuti nawu ajengi ndi chanju nge iyu.—Ŵerengani Chiyambo 1:27; 2:18, 24.

Kuti muziŵi vinandi, wonani mutu 14 wa m’buku ili, lo likupharazgika ndi Akaboni aku Yehova

Mungakopa pa adiresi ya www.pr418.com

[Chithuzi papeji 32]

Kumbi ŵanthu akutorana akhumbika kukambiskananga wuli kuti akondwengi?