Vo Bayibolo Limuka

Kumbi mbayani wo azamuluta kuchanya, nanga amuchitanji?

Ŵanthu anandi agomezga kuti asani azifwa azamuluta kuchanya. Yesu wangukamba kuti akutumika ŵaki akugomezgeka amuja kuchanya. Iyu wechendafwi, wanguŵalayizga kuti wakuŵanozge malu kuchanya kwa Awiski.—Ŵerengani Yohane 14:2.

Nchifukwa wuli ŵanthu azamuyuskika kuti akaje kuchanya? Kumbi amuchitanjiku? Yesu wangukambiya akutumika ŵaki kuti amuja mafumu. Yiwu azamuwusanga charu chapasi.—Ŵerengani Luka 22:28-30; Chivumbuzi 5:10.

Kumbi ŵanthu amampha wosi aluta kuchanya?

M’vyaru vinandi, ŵanthu amanavi ndiwu awusa. Pakuti Yesu wayuska ŵanthu kuti akaje ndi umoyu kuchanya ndi chilatu chakuti akawusengi charu chapasi, ndikwesa ŵanthu wo asankhika mbamanavi ŵaka. (Luka 12:32) Bayibolo lizumbuwa unandi wa ŵanthu wo amuwusa limoza ndi Yesu.—Ŵerengani Chivumbuzi 14:1.

Mbanthu wo aluta kuchanya pe cha wo azamutumbikika. Ŵanthu akugomezgeka ku Ufumu waku Yesu nawu azamukondwa ndi umoyu wambula kumala pacharu chapasi cha paradayisu. (Yohane 3:16) Ŵanthu anyaki azamutaskika pa nyengu yo mgonezi uheni wunu wazamubwangandulika ndipu azamusere m’Paradayisu. Anyaki azamusere m’charu chifya asani aziyuskika.—Ŵerengani Sumu 37:29; Yohane 5:28, 29.

Kuti muziŵi vinandi, wonani mutu 8 wa m’buku ili, lo likupharazgika ndi Akaboni Aku Yehova

Mungakopa pa adiresi ya www.pr418.com

[Chithuzi papeji 32]

Yesu wakunozge malu akusambira ŵaki anyaki kuchanya. Kumbi muziŵa vo amuchita?