Vo Bayibolu Limuka
Kumbi mpapi wamampha wachita wuli?
Kumbi musambiza mwana winu kuti wayanjengi Chiuta?
Ŵana akuwa umampha ukongwa asani apapi atanjana kweniso atumbikana. (Ŵakolose 3:14, 19) Apapi amampha atanja ŵana ŵawu kweniso atiŵawonga pa vamampha vo achita nge mo Yehova Chiuta wawonge Mwana waki.—Ŵerengani Mateyu 3:17.
Awuskefwi akuchanya avwisiya ateŵeti ŵawu ndipu aziŵa mo avwiya. Apapi nawu angachita umampha kutoliyaku jalidu lenili ndipu atenere kuvwisiya vo ŵana ŵawu akamba. (Yakobe 1:19) Atenere kuziŵa mo ŵana ŵawu avwiya kweniso kuvwisiya dankha asani ŵana ŵawu alongoro nawu.—Ŵerengani Maŵerengedu 11:11, 15.
Kumbi mungalera wuli ŵana ŵinu kuti akuwi umampha?
Nge mpapi mwe ndi udindu wakuŵikiya marangu ŵana ŵinu. (Ŵaefesu 6:1) Sambirani mo Chiuta wachitiya. Iyu walongo kuti watanja ŵana ŵaki mwakuŵakonkhoske umampha marangu ngaki kweniso watiŵakambiya vo vingachitika asani aleka kungavwiya. (Chiyambo 3:3) M’malu mwakuŵachichizga kuti amuvwiyengi, iyu watiŵasambiza vo angachita kuti vinthu viŵayende umampha.—Ŵerengani Yesaya 48:18, 19.
Yesesani kusambiza ŵana ŵinu kuti ayanjengi Chiuta. Asani mwachita viyo, achitengi vinthu mwazeru chinanga angaja kwaku ŵija. Yehova watitisambiza kuziya mu mijalidu yaki yamampha. Apapi namwi mutenere kwanja Chiuta kuti ŵana ŵinu nawu amuyanjengi.—Ŵerengani Marangu 6:5-7; Ŵaefesu 4:32; 5:1.
Mungayanja Kuŵerenga so Nkhani Izi
NTHENGWA NDIPUSO BANJA
Vo Mungachita Kuti Muje Da Wamampha
Mo muchitiya vinthu ndi muwolu winu pasonu panu ndivu vilongo kuti mwazamuja da wamampha pamwenga cha asani mwana winu waziwaku.
BANJA LINU LIKHOZA KUJA LALIKONDWA
Vo Mungachita Kuti Musambizi Mwana Winu
Kusambiza mwana kuti kung’anamuwa kupereka marangu ndipuso kulanga pe cha, kweni kusazgapu so vinandi.
