Pa 16 January 2021, Bayibolu la Charu Chifya la Malemba Ngakupaturika lakuŵerenge pa vipangizu va mazuŵa nganu likutuzgika muchineneru cha Chiumbundu. Pulogilamu ya kutuzgika kwa Bayibolu lenili yinguchita kujambulika ndipu mipingu yosi ya chineneru cha Chiumbundu ku Angola yinguwonere pulogilamu yeniyi. Mubali Genésio Verdiano, wa mu Komiti ya Nthambi ku Angola ndiyu wangutuzga Bayibolu lenili.

Chiumbundu chikambika ukongwa ku Angola ndipu ŵanthu pafufupi 7 miliyoni ndiwu alongoro chineneru chenichi. Ndipu kwe apharazgi akujumpha 6,500 wo alongoro chineneru cha Chiumbundu.

Akufwatuliya 6 ndiwu angugwira ntchitu yakufwatuliya Bayibolu lenili kwa vyaka 5. Yumoza waku wo angugwiraku ntchitu iyi wangukamba kuti: “Bayibolu lenili litiwovyengi kuvwisa fundu za mu Malemba chifukwa ndambula kusuzga. Kweniso tisuzgikengi cha kusambiza ŵanthu Mazu ngaku Chiuta mu uteŵeti.”

Yumoza mwa abali a mu Komiti ya Nthambi wangukamba kuti: “Tiziŵa kuti munthu watiwuvwisa umampha uneneska asani waŵerenga Bayibolu muchineneru chaki. Tikondwengi ukongwa kuwona mo Yehova wagwiriskiya Mazu ngaki muchineneru cha Chiumbundu kuti ŵanthu anandi avwi uneneska.”—2 Atesalonika 3:1.