Kwamba pa 24 mpaka pa 26 December 2021, ku chigaŵa cha Bahia, Brazil kunguwa chivuwa chanthazi ndipu ŵanthu akujumpha 640,000 angukwaskika ndi chivuwa chenichi. Maji ngakusapaliya nganguchitiska kuti madamu ngaphongoki ndipu venivi vinguchitiska kuti maji ngasapaliyi mu matawuni nganandi ndi vigaŵa vinyaki vakutali.

• Palivi mubali pamwenga mzichi yo wakuphwetekeka

• Apharazgi 273 akusama dankha munyumba zawu

• Nyumba 109 zikunangika kamanavi

• Nyumba za Ufumu zitatu zikunangika kamanavi

• Komiti Yakovya pa Masoka (DRC) yingusankhika kuti yiperekengi maji, chakurya ndi vakuvwala

• Apharazgi wo ŵengavi pakuja anguluta kuchija ndi abali ŵawu pamwenga apharazgi anyawu

• Abali ndi azichi wo atovya pa masoka avwiya ulongozgi wa mo angajivikiliya ku mulili wa COVID-19

Mubali Marcelo Ambrósio, yo wateŵete mukomiti ya DRC, wangukamba kuti: “Kuwona chanju cho abali ndi azichi alongorana kutitichiska ukongwa ndipu kutitiwovya kuti tije ndi mtima wakukhumbisiska kuteŵete Yehova ndi mtima wosi.”

Tiziŵa kuti Yehova wajengi “malu ngakuthaŵiyaku ngakuvikilirika” kwa abali ndi azichi ŵidu wo akwaskika ndi chivuwa.—Salimo 9:9.