JUNE 3, 2021
DEMOCRATIC REPUBLIC OF THE CONGO
Bayibolu la Charu Chifya la Malemba nga Chigiriki Ngachikhristu Likutuzgika Muchineneru cha Chialuri ku Congo
Pa 30 May 2021, Bayibolu la Charu Chifya la Malemba nga Chigiriki Ngachikhristu likutuzgika muchineneru cha Chialuri. Mubali Hugues Kabitshwa, wa mu Komiti ya Nthambi ku Congo (Kinshasa) ndiyu wangutuzga Bayibolu lakuŵerenge pa vipangizu va mazuŵa nganu mu pulogilamu yo yinguchita kujambulika.
Fundu Zakukhumbika Zakukwaskana ndi Ntchitu Yakufwatuliya Bayibolu Lenili
Chineneru cha Chialuri chikambika ku Central Africa, ukongwa ku vigaŵa va kunkhondi chakuvuma kwa Democratic Republic of the Congo ndi ku Uganda
Ŵanthu pafufupi 1,735,000 alongoro Chialuri
Apharazgi akujumpha 1,500 ateŵete mu mipingu ndi magulu 48 yo yilongoro Chialuri.
Akufwatuliya 6 ndiwu angufwatuliya Bayibolu lenili ndipu linguto chaka kuti limali
Mubali Christian Belotti, wa mu Komiti ya Nthambi ku Congo (Kinshasa) wangukamba kuti: “Apharazgi wo alongoro chineneru cha Chialuri akondwengi ukongwa kuŵerenga Bayibolu lenili. Liŵawovyengi kukonkhoska umampha Malemba kweniso kovya anyawu kuti angavwisi ndipuso kungayanja ukongwa Mazu ngaku Chiuta.”—Luka 24:32.
Tigomezga kuti Bayibolu lasonu lenili liwovyengi abali ndi azichi ŵidu kuti alutirizgi kupharazga “uthenga wamampha wamuyaya.”—Chivumbuzi 14:6.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Akaboni aku Yehova Ŵe ndi Bayibolu Lawu?
Kugwiriskiya ntchitu Mabayibolu ngakupambanapambana kungakuwovyani ukongwa asani musambira Bayibolu. Vinthu vitatu vo vichitiska kuti Bayibolu la Charu Chifya la Malemba Ngakupaturika lije lakwenere kuliŵerenga.
KUMBI NDALAMA ZO MUPEREKA ZIGWIRA NTCHITU WULI?
Kupanga Buku Lakukhumbika Ukongwa pa Mabuku Ngosi
Pakhumbika vinthu vinandi kuti Bayibolu la Charu Chifya lifwatuliki, kusindikizika kweniso kuti lije lakukho ndi lakuwoneka umampha.