Mu tawuni ya Goma, ku Democratic Republic of the Congo

• Pachisulu, pa 22 May 2021, Phiri la Nyiragongo lo le Kunkhondi kwa Chigaŵa cha Kivu linguphulika. Chigaŵa ichi che kufupi ndi tawuni ya Goma. Venivi vikuchitiska kuti ŵanthu anandi athaŵi muchigaŵa chenichi

• Apharazgi 2,000 akuthaŵiya mumatawuni ngapafupi

• Ŵanthu 35 wo achita uteŵeti wapade wa nyengu zosi akusama dankha munyumba zawu

• Nyumba pafufupi 29 za abali ŵidu zikunangika

• Pakusankhika Komiti Yakovya pa Masoka (DRC) kuti yilongozgi pa ntchitu yakupereka chovyu. Komiti iyi yigwiriya ntchitu limoza ndi akuwonere madera kweniso ŵara mumpingu, kuti aziŵi vinthu vo vanangika kweniso kupereka chovyu kwa abali ndi azichi ŵidu

• Ŵanthu wosi wo agwira ntchitu yakupereka chovyu alondo ulongozgi wa mo angajivikiliya ku mulili wa COVID-19

Chinanga kuti nyumba za abali zikunangika, kweni te akukondwa kuti palivi mubali pamwenga mzichi yo wakupwetekeka ndi ngozi iyi. Tilutirizga kuŵapemphere po nawu athemba Yehova pa nyengu yakusuzga yeniyi.—Nahumu 1:7.