Fiji

• Pa Chinayi, 17 December 2020, chimphepu chanthazi cha Yasa chikuchitiska kuti charu chilindimuki pa Chirwa cha Vanua Levu cho ntchikulu ukongwa ku Fiji.

• Chimphepu chanthazi ukongwa cha Yasa ntchachiŵi pa vimphepu vanthazi ukongwa vo vikuchitikapu ku Fiji. Viwoneka kuti chimphepu ichi chaputanga pa mtunda wa makilomita 260 pa ora limoza (161 mph)

• Mipingu pafufupi 30 ndipuso timagulu takutali vapangika mu vigaŵa vo vakwaskika ndi chimphepu chenichi

• Palivi mubali pamwenga mzichi yo wakupwetekeka

• Malipoti ngakwambiriya ngangulongo kuti mabanja 20 ngangusama dankha munyumba zawu

• Chimphepu ichi chikunanga ukongwa mbewu zo ŵanthu angupanda ndipu mbewu za chakurya cho apharazgi akukwana 430 athemba muchigaŵa ichi zikunangika

• Nyumba 10 zikunangikiya limu

• Nyumba 25 zikunangika

• Nyumba ya Ufumu yimoza yikunangika kamanavi

• Ofesi ya nthambi ya ku Fiji yingusankha makomiti ngatatu nga Kovya pa Masoka (DRC). Makomiti ngenanga ngangupereka vinthu vakukhumbika kwa apharazgi wo angukwaskika, nge maji, vakuvwala, chakurya ndipuso vimalona. Kusazgiyapu yapa makomiti yanga nganguwovya ŵanthu wo angusama munyumba zawu kuti asaniyi pakuja

• Abali akumiya ofesi ya nthambi ya ku Fiji limoza ndi akuwonere madera muchigaŵa chenichi achiska abali ndi azichi wo akwaskika ndi chimphepu ichi

• Wosi wo atovya kweniso kuchiska abali ndi azichi pa nyengu yakusuzga yeniyi alondo ulongozgi wa mo angajivikiliya ku COVID-19

Chinanga kuti abali ndi azichi ŵidu akukwaskika ndi chimphepu chenichi kweni awona kufiskika kwa mazu ngo nge pa Salimo 46:1 ngakuti: “Chiuta ndi malu ngidu ngakuthaŵiyaku.”