Pa unganu wapade wo unguchitika pa Sabata, pa  21 June, 2020, ku Georgia kungutuzgika Bayibolu la Charu Chifya la Malemba Ngakupatulika kuziya pa videoconference. M’bali Geoffrey Jackson, wa mu Wupu Wakulongozga wangutuzga Bayibolu ili pa nyengu yo wakambanga nkhani yo yingujambulika kali. Abali 19,521 angulumikiza kuti awonere pulogilamu yeniyi. Bayibolu lenili linguŵikika mwaliŵi pa jw.org kuti wo ŵe ndi vipangizu va mazuŵa nganu achitengi dawunilodi

Ntchitu yakufwatuliya so Bayibolu muchineneru cha Chigeorgia yinguto vyaka 4 kuti yimali. Yumoza mwa Abali wo afwatuliyanga wangukamba kuti: “Kugwiriskiya ntchitu mazu ngambula kusuzga kutovya kuti ŵanthu akupambanapambana angavwisengi umampha malemba. Mwaviyo, ndigomezga kuti mabanja ngakondwengi kusambiriya pamoza Bayibolu lenili.”

M’bali munyaki yo wangugwiraku ntchitu yakufwatuliya wangukamba so kuti: “Chilatu chidu chenga chakuti ŵanthu wosi kaya mbakusambira ukongwa pamwenga cha avwengi uthenga wamampha mwambula kusuzga.”

Tigomezga kuti ŵanthu wosi wo agwiriskiyengi ntchitu Bayibolu ili atumbikengi Yehova chifukwa likufwatulika mwauneneska ndipuso mwambula kusuzga kuvwisa.—Yakobe 1:17.