Mu vyaka va pambula kuswera yapa, abali ndi azichi ŵidu akwaskika ndi vivulupi vo vichitika ku Haiti. Kutuliya waka pa 2 March, 2024 po gulu la vigaŵenga lingubwanganduliya vinthu vakupambanapambana mutawuni yikulu ya Port-au-Prince ku Haiti, vinthu venga umampha cha kweniso mwenga chiwawa chikulu. Ndipu venivi vinguchitiska kuti boma litcheŵeski ŵanthu. Malipoti ngalongo kuti ŵanthu anandi akufwa ndipu ŵanthu pafufupi 15,000 anguchichizgika kuthaŵiya kumalu ngakuvikilirika.

• Palivi abali pamwenga azichi ŵidu wo akupwetekeka pamwenga kufwa

• Abali ndi azichi ŵidu 113 akusama munyumba zawu

• Nyumba ziŵi zikunangika

• Mabanja ngankhondi akungabiya katundu wosi

• Palivi Nyumba za Ufumu zo zikunangika kamanavi pamwenga kunangiya limu

• Makomiti nganayi ngakovya pamasoka ngakusankhika kuti ngawovyi ko kwachitika soka

• Akuwonere madera kweniso ŵara agwiriya limoza ntchitu yakovya abali ŵidu mwakuŵachiska ndi fundu za mu Bayibolu. Abali yaŵa anozga vinthu vinyaki vakukhumbikiya va ŵanthu wo akwaskika kweniso wo akusama muzinyumba zawu

Pacharu chosi chapasi, abali ndi azichi tipemphera kuti Yehova walutirizgi kuŵapaska zeru kweniso kuŵawovya abali ndi azichi ŵidu ku Haiti kuti afiski kukunthiyapu nyengu zakusuzga zenizi. Tosi tikhumbisiska kuziwona kufiskika kwa layizgu laku Yehova la charu chifya mo “chimangu chazamuja chikulu.”—Masalimo 72:7.