Pa December 31, 2019 nyumba pafufupi 100 za Akaboni aku Yehova zikunangika ndi maji ngakusapaliya ku Jakarta, Indonesia.

Chinanga kuti palivi abali wo akufwa pamwenga kupwetekeka kweni abali anandi angusama munyumba zawu penipo anyaki angulutirizga kuja munyumba zawu. Kweniso malu nganyaki ngakuwunganamu ngangunangika ukongwa cha. Ŵara angunozga ndondomeku yakupereka chakurya ndi maji ku ŵanthu wo angukwaskika. Akuwonere madera nawu anguyendere wosi wo angukwaskika ndi ngozi iyi kuŵapembuzga ndi fundu za mu Malemba. Pa nyengu iyi pangupangika makomiti ngaŵi ngakupereka chovyu.

Chinanga kuti abali angukumana ndi suzgu iyi kweni anguleka cha kuwungana ndipu anyaki ajumphanga mumalu ngo maji ngangusapaliya kuti akafiki pa malu ngakusopiyapu. Mubali Daniel Purnomo, wa mu Komiti ya Nthambi ku Indonesia wangukamba kuti: “Chinanga kuti pa nyengu iyi maji ngangusapaliya ukongwa kuluska vyaka vo vajumpha, kweni abali ŵidu akulekapu cha kuchita vinthu vauzimu, mumalu mwaki alutirizga kuwovyana kweniso kulongorana chanju.”

Tilindizga mwakukondwa nyengu yo pacharu chapasi pazamuŵavi masoka ngachilengedu.—Mariko 4:39.