Ku Israel ndipuso ku Vigaŵa va ku Palestina

• Pa 10 May 2021, ku Israel ndipuso ku vigaŵa va ku Palestina kukwamba viwawa mwakuti ŵanthu anandi akubayika

• Nyumba zinandi kweniso mabizinesi vikunangika mumatawuni nga ku Israeli ko kuja Ayuda ndipuso ŵanthu a ku Arabu

• Pa abali ndi azichi akujumpha 2,000 wo ŵe ku Israel ndipuso ku vigaŵa va ku Palestina, palivi weyosi yo wakupwetekeka pa viwawa ivi

• Apharazgi 73 angusama mu nyumba zawu kusazgapu ateŵeti a nyengu zosi apade akukwana 15 wo ateŵete pa Beteli cha. Abali ndi azichi 13 wo ateŵete pa Beteli ajaliya dankha limoza munyumba zo zikupangika kuti bomba lingaserenga cha

• Nyumba 6 zikunangika kamanavi

• Komiti Yakovya pa Masoka yiwonere ntchitu yakupereka chovyu ndipuso yigwiriya limoza ntchitu ndi akuwonere madera kweniso ŵara pakuwovya abali ndi azichi

• Akuwonere madera agwiriya ntchitu limoza ndi ŵara pakuwovya abali ndi azichi mwauzimu

• Wosi wo agwiraku ntchitu yakupereka chovyu alondo ulongozgi wa mo angajivikiriya ku COVID-19

Chifukwa chakuti maunganu ngosi ngachitika kuziya pa vidiyokonferensi, maunganu nga mpingu ngalutiriya mbwenu kuchitika kwambula kutimbanyizgika. Pa 15 May, abali ndi azichi anguwonere unganu wadera kuziya pa Studio ya JW Stream. Chigaŵa cha msana, pulogilamu yingutimbanyizgika kwa maulendu ngatatu chifukwa cha alamu yo arara a boma angumbisa. Ma alamu ngenanga nganguwovya abali kuti asamiyi ku malu ngakuvikilirika nge mu nyumba zo zikupangika kuti mabomba ngangaserenga cha. Chinanga kuti kwe viwawa, kweni abali ndi azichi 804 anguvwisiya unganu wadera wo unguchitika mu Chiheberi. Kweniso apharazgi 297 anguvwisiya unganu wo unguchitika mu Chitagalogi. Pa 22 May, mipingu 5 yo yilongoro Chiarabu ku Israel ndipuso ku vigaŵa va ku Palestina nayu yipangengi unganu wawu wadera.

Chinanga kuti abali ndi azichi ŵidu akwaskika ndi viwawa venivi kweni alutirizga kuthemba Yehova nge malu ngawu ngakuthaŵiyaku.—Salimo 91:1, 2, 5.