Kukwamba kwa mwezi wa July 2020 muchigaŵa cha Kyushu, ku Japan kunguwa chivuwa chikulu cho chinguchitisa kuti maji ngasapaliyi kweniso charu chilindimuki. Soka lenili lingukwaska ukongwa abali ndi azichi ŵidu mutawuni ya Minamata ndi Hitoyoshi Muchigaŵa cha Kumamoto ndi mutawuni ya Omuta Muchigaŵa cha Fukuoka. Pengavi Akaboni aku Yehova wo angufwa kweni mubali ndi mzichi yumoza angupwetekeka kamanavi. Kusazgiyapu yapa, kusapaliya kwamaji kungunanga nyumba 48 za abali ŵidu ndipuso Nyumba za Ufumu ziŵi. Ndipu Nyumba za Ufumu zinyaki ziŵi zingugumuka.

Komiti Yakovya pa Masoka ya ku Kyushu/Okinawa, yo Nthambi ya ku Japan yingusankha kuti yiperekengi chovyu pa nyengu ya COVID-19, sonu yipereka chovyu ku ŵanthu wo akwaskika ndi maji ngakusapaliya. Abali akumiya Dipatimenti Yakupanga Mapulani ndi Vakuzenga kweniso akuwonere madera muchigaŵa chenichi, agwiriya ntchitu limoza pakupereka chovyu mwaliŵi.

Tipemphera kuti Yehova, “Chiuta yo watitiwovya kuti tikunthiyengepu kweniso yo watitipembuzga,” walutirizgi kovya abali ndi azichi ŵidu wo akwaskika ndi masoka ngenanga.—Aroma 15:5.