JANUARY 19, 2024
MADAGASCAR
Buku la Mateyu Likutuzgika mu Vineneru Vitatu ku Madagascar
Pa 7 January, 2024, buku la mu Bayibolu la Mateyu likutuzgika mu Chitandiroyi, Chitankarana ndi Chivezo. Unganu wapade unguchitikiya mumalu ngatatu ku Madagascar ko kwe ŵanthu anandi wo alongoro chineneru chechosi pakuchija. Ŵanthu wo angusanirika pa unganu wenuwu angulonde buku la mu Bayibolu lenili lakuchita kupulinta. Ndipu la pavipangizu va mazuŵa nganu nalu, ŵanthu angwamba kulipanga dawunilodi nyengu yeniyo.
Chitandiroyi
Mubali Paul Rahajanirina, wa mu Komiti ya Nthambi ku Madagascar ndiyu wangutuzga buku la mu Bayibolu la Mateyu mu Chitandiroyi. Ŵanthu wo anguwonere unganu wenuwu pamasu ndi pamasu ŵengapu 442 ndipu anguwunganga mu Nyumba ya Ufumu mutawuni ya Ambovombe. Kusazgapu yapa, ŵanthu anyaki akukwana 681 angulumikiza kuziya pa vidiyokoniferensi. Pasonu panu, abali ndi azichi 662 awungana mu mipingu 25 ya Chitandiroyi kweniso timagulu ku Madagascar.
Chitankarana
Mubali Rolland Rafalibera, wa mu Komiti ya Nthambi ku Madagascar ndiyu wangutuzga buku la mu Bayibolu la Mateyu mu Chitankarana. Buku la mu Bayibolu lenili, lingutuzgika pa unganu wapade wo unguchitikiya ku Malu nga Unganu mu tawuni ya Antsiranana. Abali ndi azichi 904 anguwonere unganu wenuwu pamasu ndi pamasu ndipu ŵanthu anyaki 1,218 angulumikiza kuziya pa vidiyokoniferensi. Abali ndi azichi akujumpha 1,000 awungana mu mipingu 28 ya Chitankarana kweniso timagulu ku Madagascar.
Chivezo
Mubali Christopher Thomas wa mu Komiti ya Nthambi ku Madagascar ndiyu wangutuzga buku la mu Bayibolu la Mateyu mu Chivezo pa unganu wapade wo unguchitikiya mu Nyumba ya Ufumu mutawuni ya Toliara. Abali ndi azichi pafufupi 1,290 anguwungana pamasu ndi pamasu ndipu anyaki 305 angulumikiza kuziya pa vidiyokoniferensi. Abali ndi azichi 706 awungana mu timagulu ndi mipingu 20 ya Chivezo.
Chinanga kuti unganu uwu unguchitikiya mumalu ngakupambana, abali ndi azichi ŵidu wosi angukondwa kuwonga ukongwa kuti alonde buku la Mateyu mu chineneru chawu. Buku la mu Bayibolu lenili ndambula kusuzga kuvwa, likufwatulika mwakulondo kweniso le ndi mazu ngapusu.
Titimuwonga ukongwa Yehova chifukwa abali ndi azichi ŵidu wo alongoro Chitandiroyi, Chitankarana ndipuso Chivezo ku Madagascar alonde buku la mu Bayibolu lenili lo liŵawovyengi kuthamika Chiuta kweniso kukholesa chivwanu.—Mateyu 5:3.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Akaboni aku Yehova Ŵe ndi Bayibolu Lawu?
Kugwiriskiya ntchitu Mabayibolu ngakupambanapambana kungakuwovyani ukongwa asani musambira Bayibolu. Vinthu vitatu vo vichitiska kuti Bayibolu la Charu Chifya la Malemba Ngakupaturika lije lakwenere kuliŵerenga.
KUMBI NDALAMA ZO MUPEREKA ZIGWIRA NTCHITU WULI?
Kupanga Buku Lakukhumbika Ukongwa pa Mabuku Ngosi
Pakhumbika vinthu vinandi kuti Bayibolu la Charu Chifya lifwatuliki, kusindikizika kweniso kuti lije lakukho ndi lakuwoneka umampha.
MAFUMBU NGO ŴANTHU AFUMBA KAŴIKAŴI
Kumbi Akaboni aku Yehova Agomezga Chipanganu Chakali?
Kumbi vigaŵa vinyaki va m’Bayibolo vakukhumbika cha? Ziŵani mo Akhristu angayanduliya ndi mbiri yakali kweniso ulongozgi wakovya wo usanirika m’Malemba Ngachihebere.