Pa 20 June 2021, Mubali Robert Batkowa wa mu Komiti ya Nthambi ku Central America ndiyu wangutuzga Bayibolu la Charu Chifya la Malemba nga Chigiriki Ngachikhristu mu chineneru cha Chicho. Bayibolu lenili ndakuŵerenge pa vipangizu vamazuŵa nganu ndipu apharazgi pafufupi 800 anguwonere pulogilamu yo yinguchita kujambulika.

• Chi Chicho chikambika ukongwa ndi ŵanthu wo aja ku Chiapas, kumwera chakuvuma kwa Mexico

• Chi Chicho chikambika ndi ŵanthu pafufupi 200,000

• Apharazgi akujumpha 500 ateŵete mumipingu 22 kweniso mumagulu ngaŵi ngo ngalongoro chi Chicho

• Akufwatuliya atatu angugwira ntchitu yakufwatuliya Bayibolu lenili kwa vyaka viŵi ndi myezi yitatu

Mubali munyaki yo wangugwiraku ntchitu yakufwatuliya wangukamba kuti: “Bayibolu lasonu lenili le ndi mazu ngo tilongoro pafufupi zuŵa lelosi. Ndikondwa ukongwa kuŵerenga chaputala chechosi.”

Mubali munyaki so wangukamba kuti: “Ndingaŵerenga Bayibolu mu Chisipanishi, kweni asani ndiŵerenga Bayibolu muchineneru changu cha chi Chicho ndikondwa ukongwa. Vija nge kuti nditurya chakurya chakunowa cho nditanja.”

Tiziŵa kuti Bayibolu lenili liwovyengi abali ndi azichi ŵidu wo alongoro chineneru cha chi Chicho pakufufuza “chuma chakubisika” cho che mu Mazu ngaku Chiuta, Bayibolu.—Nthanthi 2:4, 5.