Pa 25 October 2023, chimphepu chanthazi cha Otis chikunanga vinthu ukongwa kumwera, mumphepeti mwa nyanja kufupi ndi tawuni ya alendu ya Acapulco ku Mexico. Chimphepu chenichi chenga chanthazi ukongwa kuphara vimphepu vosi vo vikuputapu mu chigaŵa chenichi cha Nyanja yikulu ya Pacific. Chimphepu chakofya chenichi chatchimbiyanga makilomita 265 pa ora limoza. Ndipu chinguchitiska kuti kuwi chivuwa chanthazi kweniso kuti maji ngasapaliyi ukongwa. Malipoti ngalongo kuti misewu, nyumba kweniso nthambu za magesi vikunangika ukongwa. Mwakuti magesi ngakuzimwa munyumba za ŵanthu anandi. Ŵanthu pafupifupi 45 akufwa chifukwa cha ngozi yeniyi.

Mo vinthu venge mwakukoliyana ndi malipoti ngo abali a kwenuku angutumiza ngozi yeniyi yati yachitika ŵaka.

• Palivi mubali kweniso mzichi yo wakufwapu pamwenga kupwetekeka

• Abali ndi azichi akujumpha 10,000 ndiwu aja ku chigaŵa cho chikukwaskika ndi ngozi yeniyi

• Malu ngamoza nga Unganu ngaku Acapulco ngakunangika ukongwa

• Akuwonere madera ndi ŵara, atapembuzga mwauzimu kweniso kuwovya abali ndi azichi wo aja muchigaŵa cho chikukwaskika

• Akumiya Ofesi ya Nthambi yaku Central America anayi anguza kuti azichiski kweniso kuwovya abali ndi azichi a kuchigaŵa chenichi.

• Komiti Yakovya pa Masoka yingupangika kuti yiwoneriyengi ntchitu yakupereka chovyu.

Tipempha Yehova kuti walutirizgi kuŵapaska chimangu kweniso kuŵapembuzga abali ndi azichi ŵidu akwanjiwa wo akwaskika ndi chimphepu chenichi.—Afilipi 4:6, 7.