Mu mwezi wa September ndi October 2020 ku Nigeria kunguwa chivuwa chikulu ndipu maji ngangusapaliya muvigaŵa vinandi. Maji ngakusapaliya ngangunanga ukongwa minda ndipuso vinthu. Vachitima kuti mubali widu wakufwa ndi maji ngenanga. Kusazgiyapu yapa, apharazgi 1,828 akhumbikanga kutuwamu dankha munyumba zawu ndipuso nyumba za abali ŵidu 62 zingunagika ukongwa.

Ofesi ya Nthambi ku Nigeria yingusankha makomiti 7 ngakovya pa masoka kuti ngawovyi ko kwachitika masoka ndipu agwira ntchitu yeniyi po alondo ulongozgi wa COVID 19. Akuwonere madera ndipuso ŵara agwiriya ntchitu limoza kuti awovyi abali ndi azichi kusaniya vinthu vakukhumbikiya pa umoyu ndipuso kuŵapembuzga ndi Malemba.

Te ndi chitima ukongwa chifukwa ŵanthu anyaki akutayika pa soka lenili. Tiziŵa kuti Yehova, Chiuta wa utaski widu, walutirizgengi kupembuzga ndipuso kovya abali ŵidu mu nyengu yakusuzga iyi.—Salimo 68:19.