Kukwambiriya kwa August 2024, mphepu yanthazi yingwamba pa Atlantic Ocean. Mphepu iyi yingukuwa ukongwa ndipu yingudanika kuti chimphepu cha Debby. Ndipu pa 5 August, 2024, chimphepu ichi chingufika ku Steinhatchee, mu charu cha Florida, ku U.S.A., ndipu chatchimbiyanga pa mtunda wa makilomita 130 pa ora (80 mph). Kusazgiyapu yapa, chimphepu ichi chingugaŵikana mu magulu 12. Chimphepu chanthazi kweniso vuwa yanthazi yo yinguwa vinguchitiska kuti ŵanthu masawuzandi nganandi aŵevi magesi. Ndipu pafufupi ŵanthu 8 akufwa ku United States.

Chimphepu ichi chati chananga vinthu ku Florida, chinguluta kunkhondi kwa Canada kweni yapa chinguzikaku. Pa Chinkhondi, pa 9 August, 2024, mutawuni ya Quebec munguwa vuwa yikulu mu maora ngambula kukwana 24. Vuwa yanthazi yeniyi yinguchitiska kuti maji ngasapaliyi ndi kunanga nyumba zinandi ndipu ŵanthu mahandiredi nganandi angusama munyumba zawu ndi kuluta kumalu ngo ngenga ngamampha. Lipoti lilongo kuti munthu yumoza ndiyu wakufwa ku Canada.

United States

• Palivi abali pamwenga azichi ŵidu wo akufwa

• Mupharazgi yumoza angumugoneka muchipatala

• Apharazgi 23 angusama munyumba zawu

• Nyumba 7 zikunangika ukongwa

• Nyumba 60 zikunangika kamanavi

• Nyumba ya Ufumu yimoza yikunangika kamanavi

Canada

• Palivi abali pamwenga azichi ŵidu wo akupwetekeka. Kweni vachitima kuti tikuluza wakusambira Bayibolu chifukwa chakulindimuka kwa charu

• Mupharazgi yumoza wakupwetekeka

• Apharazgi 23 angusama munyumba zawu, kweni sonu akuwere so kunyumba zawu

• Nyumba ziŵi zikunangika ukongwa

• Nyumba 165 zikunangika kamanavi

• Palivi Nyumba ya Ufumu yo yikuwa pamwenga kunangika

• Akuwonere madera kweniso ŵara a mu mipingu ya ku United States ndipuso ku Canada atiŵachiska ndi fundu za mu Bayibolu kweniso kuŵawovya kusaniya vinthu vakukhumbika pa umoyu abali ndi azichi wo ŵe muchigaŵa cho chikukwaskika

• Ku Canada, Komiti Yakovya pa Masoka yikusankhika kuti yiperekengi chovyu cho chikhumbika

Tilutirizga kupemphere abali ndi azichi wo akukwaskika ndi chimphepu chanthazi chenichi ndipu tiziŵa kuti Yehova walekengi cha ‘kuja mtaski widu mu nyengu ya masuzgu.’—Yesaya 33:2.