Mu January 2021, Wupu Wakulongozga ungupharazga va kutuzgika kwa buku ndi kabuku kakuti Kondwani ndi Umoyu Kwamuyaya! Mabuku yanga ngakovya ukongwa pakusambiza Bayibolu. Venivi vatiwovya kuti tichitiskengi umampha masambiru nga Bayibolu.

Vinthu vasonu vasazgikiyapu pa JW Library app kuti vichitiski buku lakuŵerenge pavipangizu va mazuŵa nganu kuja lakukondwesa ukongwa kwa asambizi kweniso akusambira Bayibolu. Yesesani kuziŵiliya vinthu vasonu venivi.

• Kumbi mukhumba kumulongo wakusambira winu fundu chayiyu mu sambiru lo musambira nayu? Bofoni pa ndimi kuti yikulongoni ndondomeku ya nkhani yo. Sankhani po palembeka kuti Share kuti mumutumiziyi linki ya ndimi yo.

• Kumbi mukhumba kuvwisiya limoza ndi wakusambira winu, mazu ngakujambula nga mu ndimi? Bofoni pa ndimi kuti yikulongoni ndondomeku ya nkhani yo. Sankhani po palembeka kuti Play kuti muvwisiyi mazu ngakujambula nga pa ndimi yo.

• Panyaki wakusambira winu wagwiriskiya ntchitu buku lakuchita kupulinta po yimwi mugwiriskiya ntchitu buku kuziya pa vipangizu va mazuŵa nganu. Kumbi mukhumba kuwona mo buku lakupulinta liwoneke? Pa ndondomeku pe mazu ngakuti More (pe timadoti titatu to te pachanya kumaryi), sankhani mazu ngakuti Printed Edition. Pamalu penipo, sankhani po palembeka kuti Digital Edition kuti muwere ku buku lakuŵerenge pa vipangizu va mazuŵa nganu.

• Kumbi mukhumba kuti wakusambira winu wasungi mu buku mo wachitiya pa sambiru kuziya pa chipangizu cha mazuŵa nganu? Achiskeni kuti agwiriskiyi ntchitu mabokosi ngo alembapu deti lo amaliziya sambiru lo pamwenga vo angachita. Angagwiriskiya so ntchitu timabokosi mu “Tchati Chakuŵerenge Bayibolu”.