Pambula kuswera yapa pa jw.org payamba kusanirika vinthu vo ŵanthu anandi akhumbanga. Sonu mungasankha kuti pa sikilini yinu pawonekengi vulumutiyi pamwenga pawonekengi mdima.

Kawonekeru kamdima kalongo mazu ngatuŵa ndipu vithuzi viwoneka pamalu ngamdima. Ŵanthu anyaki atanja malu ngamdima ngenanga chifukwa sikilini yija ndi ukweru umanavi. Venivi vitovya kuti masu ngaleki kuvuka, ukongwa ndi usiku pamwenga pamalu po pe ukweru umana. Malu ngamdima ngatovya so ukongwa ŵanthu wo awona ukongwa cha pamwenga wo asuzgika kulereska pamalu po pe ukweru ukongwa.

Kuti musaniyi pamalu po mungasinthiya kawonekeru kasikilini, mungaluta mumphata mwa peji la jw.org ndi kubofo kabatani ko kalembeka kuti Kawonekeru ka Sikilini. Asani mukhumba kuti sikilini yinu ya pa jw.org yije ndi ukweru wa chipangizu chinu, mungabofo mazu ngakuti Yingweruki. Pamwenga mungasankha kuti sikilini yinu yiwoneki Vulumutiyi pamwenga Mdima asani mukhumba kuti jw.org yiwonekengi munthowa yo mwakhumba.

Nthowa zenizi zechendayambi kusanirika pa JW Library app, kweni ziŵikikengi munthazi. Titimuwonga ukongwa Yehova pakutiwovya kulutirizga kunozga vidya vidu kuti vitiwovyi kusaniya chakurya chauzimu chinandi.