Pa 17 December 2021, vyaru vo ve mu Wupu wa International Religious Freedom or Belief Alliance a (IRFBA) vingulemba kalata yakovya Akaboni aku Yehova wo atombozgeka chifukwa cha chivwanu chawu. Mu kalata iyi, vyaru ivi vingupempha kuti Akaboni wosi wo akumangika atuzgiki mujeri ndipuso kuti kutombozgeka, nkhaza zezosi, kufufuza munyumba kweniso sankhu vimali.

Pacharu chosi Akaboni aku Yehova akujumpha 150 kumalu ngakupambanapambana nge ku Crimea, Eritrea, Russia, Singapore ndi Tajikistan, akuŵikika mujeri chifukwa cha chivwanu chawu. Vyaru vo ve mu Wupu wa IRFBA vingukonkhoska kuti “vakwaskika ukongwa” chifukwa “chakukwera kwa chiŵerengeru cha Akaboni aku Yehova wo atombozgeka” ndipu vingukamba kuti Akaboni nawu ŵe ndi wanangwa wakuchita vo agomezga “kwambula kuchita mantha, kuŵachitiya nkhaza, sankhu pamwenga kutombozgeka.”

Tiwonga ukongwa maboma chifukwa chakukhumbisiska kuvikiliya wanangwa widu wakusopa. Tiziŵa kuti Yehova walutirizgengi kuvikiliya abali ndi azichi ŵidu wo atombozgeka, kweniso atimuthemba ukongwa Yehova ndipu iyu ‘wazakuŵapaska chimangu chambula kumala.”—Yesaya 26:3.