Pa 27 July 2022, pa chirwa cha Luzon ku Philippines kunguchitika chidilirisi chanthazi ukongwa. Chigaŵa cha Abra chingukwaskika ukongwa. Chidilirisi chenichi chinguchifika ku Manila, pamtunda wamakilomita 400. Kunguchitika so vidilirisi vimanavimana vakujumpha 2,000.

• Palivi mubali pamwenga mzichi widu yo wakufwa

• Apharazgi anayi angupwetekeka kamanavi

• Mabanja 42 ngangusama dankha kunyumba zawu

• Nyumba 63 zingunangika kamanavi

• Nyumba yimoza yingunangika ukongwa

• Nyumba za Ufumu 13 zingunangika ukongwa

• Komiti Yakovya pa Masoka yingusankhika kuti yiwoneriyengi ntchitu yakovya pamasoka

• Ŵara mumpingu achiska abali ndi azichi wo akwaskika

• Abali ndi azichi wo atovya pa masoka avwiya ulongozgi wa mo angajivikiliya ku mulili wa COVID-19

Ofesi ya nthambi yingutumiza vinthu mwaliŵi kwa abali ndi azichi ŵidu muvigaŵa vo vakwaskika ndipu anguŵasaniriya malu ngakuti ajemu. Apharazgi atovyana ŵijaŵija chinanga kuti wosi akukwaskika ndi chidilirisi cho.

Te ndi chivwanu chakukho kuti Yehova walutirizgengi kutaska abali ndi azichi ŵidu “pa zuŵa la suzgu.”—Salimo 50:15.