Pambula kuswera yapa, khoti la mutawuni ya Pechora ku Komi Republic liperekengi cheruzgu pa mulandu wa Mubali Nikolay Anufriyev, Eduard Merinkov, Gennadiy Polyakevich, Aleksandr Prilepskiy, Viktor Shchannikov, Gennadiy Skutelets ndipuso Aleksandr Vorontsov. Loya wa boma wechendakambi cheruzgu cho wakhumba kuti abali yaŵa apaskiki.

1. Pa 28 January 2020

   Apolisi angufufuza munyumba 12 za Akaboni aku Yehova ku Komi Republic. Khoti likuŵajuliya mulandu Mubali Polyakevich ndi Mubali Skutelets

2. Pa 30 January 2020

   Gennadiy Polyakevich angumujaliya mujeri kulindizgiya mulandu waki ndipuso Gennadiy Skutelets angumuyeruzga kuti wakachitengi ukayidi wapanyumba

3. Pa 20-25 May 2020

   Arara angufumba mafumbu Akaboni aku Yehova anyaki a ku Pechora kuti awoni asani akhumba kuja kaboni pa mulandu wa abali ŵenaŵa. Akaboni yaŵa ŵati awofyezeka ndi akufufuza, yumoza mwaku yiwu wanguchita sitiroku. Pasonu panu wakuchira

4. Pa 26 June 2020

   Gennadiy Polyakevich angumusazgiyaku nyengu yakujaliya mujeri. Wakweruzga wangukamba kuti Gennadiy Polyakevich “wakuchitiya dala mulandu wakofya” kusazgapu vakukwaskana ndi “kulutirizga kuteŵete Yehova chinanga kuti watombozgeka ndi apolisi”

5. Pa 24 August 2020

   Apolisi angufufuza so munyumba zinyaki 12 za Akaboni aku Yehova

6. Pa 10 November 2020

   Khoti lingujuliya mulandu Aleksandr Prilepskiy, Aleksandr Vorontsov, Eduard, Nikolay ndi Viktor. Mulandu wawu anguwusazga ndi mulandu wa Gennadiy Polyakevich ndi Gennadiy Skutelets

7. Pa 25 November 2020

   Gennadiy Polyakevich wati waja mujeri kwa mazuŵa 300 kulindizgiya mulandu waki, wangutuzgika mujeri ndipu angumuyeruzga kuti wakachitengi ukayidi wapanyumba

8. Pa 27 January 2021

   Gennadiy Skutelets wangutuzgika pa ukayidi wapanyumba wati waja pa ukayidi wenuwu kwa mazuŵa 363

Tigomezga kuti chivwanu cha abali ŵidu, chakuti awonengi umampha waku Yehova chiŵawovyengi kuti asaniyi vitumbiku sonu ndipuso kunthazi.—Salimo 27:13.