Pambula kuswera yapa, khoti la Central District Court of Chita liperekengi cheruzgu pa mulandu wa Mubali Vladimir Ermolaev, Sergey Kirilyuk, Igor Mamalimov ndi Aleksandr Putintsev. Loya wa boma wechendakambi cheruzgu cho wakhumba kuti abali yaŵa apaskiki

1. Pa 16 March 2021

   Khoti lingwamba kuvwisiya mulandu wawu

2. Pa 2 February 2021

   Vladimir, Sergey, Igor ndi Aleksandr anguŵamba mulandu chifukwa chakuchita vinthu vakukwaskana ndi gulu lakukanizika

3. Pa 3 April 2020

   Vladimir wangutuzgika pa jeri la panyumba

4. Pa 15 February 2020

   Sergey angumutuzga mujeri wati wajamu kwa mazuwa ngankhondi

5. Pa 12 February 2020

   Igor ndi Aleksandr angutuzgika mujeri. Sergey angumusazgiyaku nyengu yakujaliya mujeri kwa maola 72. Vladimir angumuyeruzga kuti wakachitengi jeri la panyumba kwa mazuŵa 52

6. Pa 10 February 2020

   Apolisi a FSB angufufuza munyumba 50 za Akaboni aku Yehova muchigaŵa cha Trans-Baikal. Angufufuza so chinanga ndi nyumba za Akaboni wo mbakukota kweniso akupunduka. Mu nyumba ya Akaboni anyaki, apolisi yaŵa angupuma mwana wa mu banja lenili anyina ndi mzichi waki mumana achilelesa. Mubali munyaki angumuchitiya nkhaza ukongwa. Ŵati amaliza kufufuza, apolisi angumanga abali 10 kusazgapu Igor, Aleksandr, Sergey ndi Vladimir

Tiyeni tilutirizgi kuyezga chivwanu chakukho cha abali ŵidu wo ŵe nge Daniyeli ndi anyaki atatu wo ‘angusimikiza mumtima mwawu’ kuti alutirizgengi kuja akugomezgeka kwaku Yehova chinanga kuti arara a boma angawatombozga.—Daniyeli 1:8.