NOVEMBER 2, 2021
RUSSIA

Abali Anayi ndi Mzichi wo Atiŵamba Mulandu ku Sakhalin Alutirizga Kuthemba Yehova Kuti Waŵawovyi

JULANI

Nyengu yo Khoti Liyeruzgiyengi Mulandu

Pambula kuswera yapa, khoti la Nevelskiy lo le muchigaŵa cha Sakhalin liperekengi cheruzgu pa mulandu wa Mubali Vyacheslav Ivanov, Aleksandr Kozlitin, Sergey Kulakov, Mzichi Tatyana Kulakova ndipuso Mubali Yevgeniy Yelin. a Loya wa boma wechendakambi cheruzgu cho wakhumba kuti abali ndi mzichi uyu apaskiki
Mu July 2020

Vyacheslav, Aleksandr, Sergey, ndi Tatyana anguŵakaniza kutuwa mucharu chawu kuluta kucharu chinyaki
Pa 2 April 2020

Yevgeniy angumukaniza kutuwa mucharu chaki kuluta kucharu chinyaki
Pa 20 January 2019

Apolisi a gulu la FSB (Federal Security Service), apolisi achisisi a ku Russia angufufuza munyumba pafufupi 11 za ŵanthu wo aŵaŵanaŵaniyanga kuti Mbakaboni aku Yehova. Apolisi ŵenga akukwiya ndipu angufumba mafumbu ŵana amanavi a mabanja ngo nyumba zawu zingufufuzika. Venivi vinguchitika Pulezidenti wa ku Russia, Vladimir Putin wati walayizga waka kuti wafufuzengi chifukwa cho Akaboni aku Yehova atombozgeke

Vakukwaskana ndi Ŵanthu Yaŵa

Sergey Kulakov

Chaka cho Wakuwiya: 1961 (Nevelsk, Muchigaŵa cha Sakhalin)

Mo Wakukuliya: Wasambiranga ku sukulu yakugone kweniko kwamba we ndi vyaka 14. Weche mwana, watchayanga bola la malundi ndi chess. Wakumaliza masambiru ngaki pa sukulu yinyaki ndipu wangusambira mo wanganozge sitima za mumaji. Pasonu panu wakuleka

Cha mu ma 2000, iyu ndi muwolu waki Tatyana, angwamba kusambira Bayibolu. Wanguchiskika ndi chanju cho Akaboni aku Yehova ŵenachu ndipu wakubatizika mu 2008. Banja ili le ndi ŵana anthulumi ŵaŵi

Vo Sergey Wangumuka Wati Wafumbika

Kumbi ndi masuzgu wuli ngo Yehova wakuwovyani kukunthiyapu?

Chinthu chakusuzga ukongwa chenga kulutirizga kuja wakufwasa kweniso kuja ndi likondwa. Chifukwa chakuti ndilutirizga kusambira Bayibolu ndipuso kusopa Yehova, ndichiskika ndi mazu ngaku Chiuta ngakuti: “Munthu wakugomezgeka mutimuchitiya vinthu mwakugomezgeka.” (2 Samuyeli 22:26) Nditimuthemba ukongwa Yehova ndipu chanju changu paku iyu chilutirizga kukuwa. Venivi vitindiwovya so kuti ndileki kufipiya mtima vo vichitikengi munthazi, chifukwa chakuti ndiziŵa kuti chechosi cho chingandichitikiya, Yehova wandiphweriyengi

Tatyana Kulakova

Chaka cho Wakuwiya: 1973 (Nevelsk, Muchigaŵa cha Sakhalin)

Mo Wakukuliya: Kwambiya weche mwana, watanja kuŵerenga, kujambula kweniso watanja sumu. Wagwira ntchitu yakupaka pulasitala ndi kupenta. Wakutorana ndi Sergey mu 1996 ndipu ŵe ndi ŵana anthulumi ŵaŵi

Wati waziŵa vo Bayibolu likamba vakukwaskana ndi charu kweniso mo ŵanthu akufwa aliri, wangwamba kuliwona kuti ndakuzirwa. Wakubatizika kuja Kaboni waku Yehova mu 2003

Vo Tatyana Wangumuka Wati Wafumbika

Kumbi ndi lemba nili lo lingukuwovyani kuti muje ndi chiganga pamwenga kuti mukunthiyepu ndi likondwa?

Ŵati afufuza munyumba yidu kweniso ŵati andisaniya ndi mulandu, ndakhumbikanga kuluta ku FSB. Mazu ngo Elisha wangukambiya mteŵeti waki ngangundichiska. Iyu wangukamba kuti: “Pakuti isi te ndi anandi kuluska wo ŵe ndi iyu. Iyu yithemba janja la mnofu, kweni isi te ndi Yehova Chiuta widu.” (2 Mbiri 32:7, 8) Ndayeruzgiyanga kuti Yehova Wanthazizosi, Yesu kweniso angelu anandi ŵe kuchigaŵa changu. Venivi vingundiwovya kuchita vo ndakhumbikanga kuchita mumalu mwakufipanga mtima ukongwa.

Yevgeniy Yelin

Chaka cho Wakuwiya: 1974 (Yuzhno-Sakhalinsk, Muchigaŵa cha Sakhalin)

Mo Wakukuliya: Kwambiya weche wachinyamata watanja kujambula. Wagwira ntchitu yakunozga nyumba. We ndi kampani yaki yakunozga nyumba. Wagwira so ntchitu ya ukalipentala

Wangwamba kusambira Bayibolu pa nyengu yo wenga ku sekondary. Cha mu ma 1990, wangukumana ndi Akaboni aku Yehova ndipu waŵapaskanga ulemu chifukwa cha mo agwiriskiya ntchitu fundu za mu Bayibolu pa umoyu wawu. Wakubatizika mu 1992. Wakutorana ndi muwolu waki Anastasia mu 2017

Vo Yevgeniy Wangumuka Wati Wafumbika

Kumbi mungaŵapaska ulongozgi wuli anyinu wo anozgeke kutombozgeka?

Ndingaŵachiska kuti mumaŵanaŵanu ndipuso mu mtima wawu mujengi uneneska wa mu Bayibolu. Vingaŵa umampha kuvwiya ulongozgi wa gulu. Tilindizga mwakunweka kufiskika kwa mauchimi ngakukwaskana ndi charu chifya, kweni kutombozgeka ntchigaŵa cha mauchimi ngo ngatenere kufiskika. Asani titombozgeka, tituŵa kuti tifiska uchimi. Wenuwu ndi mwaŵi ukulu ukongwa!

Tiziŵa kuti Yehova walutirizgengi kuphwere abali ndi azichi ŵidu wo akoliyana ndi mazu nga mchimi Yesaya ngakuti: “Chiuta mbutaski wangu. Ndimuthembengi ndipu ndiwopengi chechosi cha.”—Yesaya 12:2.

a Ndi nyengu zosi cha po akambiya limu zuŵa lo khoti liyeruzgiyengi mulandu.

NKHANI