JULY 14, 2021
RUSSIA

Abali Atatu Alutirizga Kuja Akugomezgeka Kwaku Yehova Chifukwa Ŵenga Akunozgeka Kuti Angatombozgeka

JULANI

Nyengu yo Khoti Liyeruzgiyengi Mulandu

Pambula kuswera yapa, Khoti la Ussuriyskiy lo le Muchigaŵa cha Primorye liperekengi cheruzgu chaki pa mulandu wa abali atatu, Mubali Anton Chermnykh, Mubali Sergey Korolchuk, ndi Mubali Dmitriy Tishchenko. a Loya wa boma wechendakambi cheruzgu cho wakhumba kuti abali yaŵa apaskiki
Pa 23 September, 2020

Khoti lingwamba kuvwisiya mulandu waku Anton, Sergey, ndi Dmitriy
Pa 7 July, 2020

Anton, Sergey, ndi Dmitriy angumbika mulandu wakuti mbalongozgi a gulu lo likukanizika chifukwa chakuti boma liwona kuti ndi gulu “lakofya”
Pa 18 June, 2019

Sergey angumujaliya mujeri kwa mazuŵa ngaŵi kulindiziya mulandu waki

Vakukwaskana ndi Ŵanthu Yaŵa

Anton Chermnykh

Chaka cho Wakuwiya: 1987 (ku Magdeburg, Germany)

Mo Wakukuliya: Iyu ndi mubali waki mbamuwoli ndipu awisi ndi anyina nthengwa yikumala, iyu weche munamana. Kutuliya waka po wakumaliziya sukulu, waja wachigwira ntchitu nge wakupanga mapulogilamu ngapa kompyuta

Anyina ndiwu akumusambiza uneneska. Wangukondwa ndi uthenga wamampha wa mu Bayibolu wakukwaskana ndi chilatu cha umoyu. Wakubatizika mu 2004 kuja Kaboni waku Yehova. Wakutorana ndi Yekaterina mu 2013. Ŵe ndi mwana munthukazi zina laki, Milana

Vo Anton Wangumuka Wati Wafumbika

Kumbi ndi vinthu wuli vo munguchita kuti munozgeke limu asani mungatombozgeka?

Kanandi ndayanjanga kuyiŵanaŵaniya nkhani yeniyi, ndipu ndaŵanaŵaniyanga vinthu vakupambanapambana vo vingachitikiya ini kweniso banja langu. Nyengu zosi ndayesesanga kulondo ndondomeku yakusambiriya pakundija. Ukongwa boma la Russia lati layamba waka kumanga Akaboni aku Yehova mu charu ichi, ndinguziŵa kuti zuŵa linyaki, nani ndazamuja mujeri mo ndazamuŵavi Bayibolu pamwenga buku lidu lelosi.

Sergey Korolchuk

Chaka cho Wakuwiya: 1967 (ku Vladivostok, Muchigaŵa cha Primorye)

Mo Wakukuliya: Wangwamba usilikali ndipu wangusankhika kuja mura mu komiti ya KGB (Committee for State Security). Pavuli paki wangwamba kugwira ntchitu yakwendesa vimagalimotu vikuluvikulu pa kampani yinyaki. Mu vyaka vo vajumpha wagwiranga yakutowesa malu. Wakutorana ndi Yelena mu 1989. Ŵe ndi ŵana ŵaŵi

Wangukhorwa ndi vo Bayibolu likonkhoska vakukwaskana ndi vo vichitika mucharu ndipuso chilindizga cha vinthu va munthazi. Wakubatizika mu 1993 kuja Kaboni waku Yehova

Vo Sergey Wangumuka Wati Wafumbika

Kumbi ndi vinthu wuli vo mwasambira pa nyengu yakusuzga yeniyi vo vingazikuwovyani asani chivwanu chinu chaziyeseka so munthazi?

Ndiwona kuti chechosi chichitika nge mo Khristu wangukambiya. Tikhumbika cha kufipa ukongwa mtima. Mumalu mwaki, tikhumbika kuja akufwasa, ndipu asani tingafiska tikambiyengeku anyidu uneneska wa mu Bayibolu, kweni tichitengi venivi mwaulemu. Mwaviyo, cheruzgu chechosi cho khoti lingandiyeruzga, ini ndi banja langu te akunozgeka kuchilonde.

Po mulandu wawu weche kulutiriya, tiziŵa kuti Yehova watumbikengi Anton, Sergey ndi Dmitriy chifukwa cha kugomezgeka kwawu.—Nthanthi 28:20.

a Ndi nyengu zosi cha po akambiya limu zuŵa lo akhoti aperekiyengi cheruzgu.

NKHANI