Kwambiya po boma ku Russia likukaniziya gulu la Akaboni aku Yehova mu 2017, arara a boma mucharu ichi aja achitombozga abali ndi azichi a vyaka va pakati pa 18 ndi 89. Pakufika mu July 2021, abali ndi azichi 18 a vyaka vakujumpha 60 akuŵasaniya ndi mulandu ndipuso akuŵayeruzga chifukwa cha kusopa waka mwachimangu. Pasonu panu, atatu ŵeche mujeri. * Lipoti la Nambala 4 la Wupu Wakulongozga la 2021 lingukamba va nkhani yakupaska chitima yakukwaskana ndi abali ndi azichi akukota wo boma la Russia lilimbana nawu.

Kumbi abali ndi azichi ŵidu akukota akunthiyapu wuli kutombozgeka kwenuku? Te akukondwa kukukambiyaniku mazu ngakuchiska ngo abali ndi azichi ŵidu anyaki angukamba.

Tiwonga ukongwa chakuwoniyapu chamampha cha abali ndi azichi ŵidu akugomezgeka wo mbakukota ku Russia. Nkhwakukhumbika ukongwa kuyezga chiganga chawu pakulongo urunji ndipu kuluska vosi, vo achita vitimukondwesa ukongwa Chiuta.—Nthanthi 16:31.