DECEMBER 28, 2021
RUSSIA

Akaboni Akugomezgeka Agomezga Yehova Kuti Waŵawovyi

JULANI

Nyengu yo Khoti Liyeruzgiyengi Mulandu

Pambula kuswera yapa, khoti la mutawuni ya Abakan ku Republic of Khakassia liperekengi cheruzgu pa mulandu wa Mzichi Matrena Spiriadi ndipuso Mubali Aleksandr Vergunov. Mzichi Irina Sidorova, nayuso amumbanga mulandu wakuyanana waka, kweni vachitima kuti wakutayika. Loya wa boma wakupempha kuti Mzichi Spiriadi ndi Mubali Vergunov akaje mujeri kwa vyaka vinkhondi
Pa 30 March 2021

Apolisi angufufuza munyumba yaku Matrena ndi Aleksandr
Pa 17 July 2020

Irina wakutayika wati wapangika opareshoni
Pa 20 May 2020

Arara a boma angumufumba mafumbu Irina, ndipu amuŵanaŵaniyanga kuti wachita vinthu vakofya
Pa 19 May 2020

Arara a boma angumufumba mafumbu Aleksandr, ndipu amuŵanaŵaniyanga kuti wachita vinthu vakofya
Pa 20 April 2020

Akhoti angwamba kumba mulandu Aleksandr, Irina ndi Matrena

Vakukwaskana ndi Ŵanthu Yaŵa

Matrena Spiriadi

Chaka cho Wakuwiya: 1953 (Borodino, Muchigaŵa cha Krasnoyarsk)

Mo Wakukuliya: Mubanja mwawu mwe ŵana 11 ndipu iyu ndiyu mumana ukongwa. Watanja kuphwere maluŵa kweniso kulonde alendu

Wenga ndi chitima chikulu ukongwa anyina ŵati atayika kweni wangupembuzgika ndi chilindizga cha chiyuka. Waphwere mzuku waki munthulumi wakupunduka. Wakubatizika mu 1994

Vo Matrena Wangumuka Wati Wafumbika

Kumbi mwalonde vitumbiku wuli munyengu yakusuzga yeniyi?

Ndija ndi mzuku wangu munthulumi, Daniel, yo wasuzgika ndi matenda nga muwongu. Wasambira Bayibolu ndipu venivi vitindikondwesa ukongwa. Tipemphera ndipuso kunozgeke maunganu limoza.

Kumbi abali ndi azichi atikuwovyani wuli?

Nyengu zosi atuŵa nasi kweniso atitiphwere. Atitipaska vinthu, aluta nasi kuchipatala ndipuso atitiwovya kuphwere maluŵa. . . . Nditimuwonga ukongwa Yehova pakundipaska banja lenili.

Tigomezga kuti Yehova Chiuta, wawona ndipuso watanja mteŵeti waki weyosi wakugomezgeka. Tiziŵa kuti iyu walekengi cha kuphwere akwanjiwa ŵaki ŵenaŵa.—Yesaya 49:15.

NKHANI