Pa 9 August, 2024, Mubali Aleksandr Parkov wakutuzgika mujeri ku Russia. Iyu angumusaniya ndi mulandu pa 29 July, 2021, ndipu angumukambiya kuti wakaje mujeri kwa vyaka 6 ndi hafu. Chifukwa chakuti Aleksandr wanguja nyengu yitali mujeri wachilindizgiya kuti mulandu waki uyeruzgiki, sonu mulandu waki ukumala.

Vyaka vosi pamoza vo Aleksandr ndi muwolu waki Galina Parkova anguleke kujaliya limoza vijumpha 5. Panyengu yeniyi, Galina angumusaniya ndi mulandu wakupambanaku ndi wa mulumu waki ndipu angumuyeruzga kuti wakaje mujeri kwa vyaka viŵi ndi miyezi yitatu. Chifukwa chakuti wakusanilika ndi mulandu, ntchitu yikumumaliya.

Po Aleksandr ŵenga mujeri, amuzomerezanga kulumikizana ndi muwolu waki pa foni kweniso makalata. Galina wakumbuka mo mulumu waki walutilizgiyanga kumuchiska munyengu yakusuzga yeniyi. Iyu wanguti: “Mulumu wangu wandikumbusanga pafupipafupi kuti asani Yehova wenasi, palivi chakopa.”

Tigomezga kuti Yehova watumbikengi Aleksandr ndi Galina po sonu ŵe limoza ndipuso asope limoza Yehova. Tilutirizgengi so ‘kuja masu pa nkhani ya kupemphere’ ŵanthu wosi wo ŵemujeri chifukwa cha chivwanu chawu.—1 Peturo 4:7.