Pambula kuswera yapa, khoti la mutawuni ya Surgut muchigaŵa cha Khanty-Mansi Autonomous—Yugra liperekengi cheruzgu pa mulandu wa abali 17 ndi mzichi yumoza. Anyaki mwa abali ŵenaŵa ndi Mubali Vyacheslav Boronos, Saveliy Gargalyk, Yevgeniy Kayryak, Artem Kim, Sergey Loginov, Aleksey Plekhov ndi Sergey Volosnikov. Loya waboma wechendakambi cheruzgu cho wakhumba kuti abali yaŵa apaskiki.

1. Pa 15 February 2019

   Apolisi angufufuza nyumba zinandi za Akaboni aku Yehova ku Surgut ndi mumatawuni nga pafupi. Venivi vinguchitiska kuti abali atatu kusazgiyapu Sergey Loginov aŵikiki mujeri kulindizgiya mulandu wawu. Pavuli paki, mubali yumoza angumutumiza kuchipatala kuti wakalonde chovyu. Abali 7 wo azumbulika mu lipoti ili anguŵachitiya nkhaza chifukwa chakukana kukonkhoska vakukwaskana ndi Akaboni anyawu.

2. Pa 26 February 2019

   Khoti Lakuwona va Wanangwa wa Ŵanthu ku Europe lingukambiya boma la Russia kuti lituzgi Sergey Loginov mujeri kuti wakalonde chovyu cha kuchipatala

3. Pa 11 April 2019

   Sergey Loginov wangutuzgika mujeri

4. Pa 29 October 2021

   Milandu yingwamba

Po abali ŵidu achiganga alutirizga kukunthiyapu kutombozgeka, te ndi chigomezgu kuti Yehova watuvwa mapempheru ngawu ndipu wamuka mwaliŵi pa nyengu yo yiwu akumana ndi masuzgu.—Salimo 69:17.