Pa 19 January 2021, khoti la muchigaŵa cha Kamchatka likukana apilu ya Mubali Sergey Ledenyov. Cheruzgu cho angumupasa kuti wangapalamulanga mulandu wewosi cha kwa vyaka viŵi, sonu chiyambengi kugwira ntchitu. Iyu walutengi kujeri cha pa nyengu iyi.

Khoti lechendakani apilu yaki, Sergey angumupasa mwaŵi wakuti walongoro mu khoti. Iyu wanguvikiliya chivwanu chaki mwachiganga ndipu wangukamba kuti ngwakhumbisiska kusopa Yehova. Iyu wangukamba kuti: “Chivwanu changu che waka pa marangu nga gulu lelosi cha, kweni chituliya mu Bayibolu. Mwakuyeruzgiyapu, ‘nyumba yeyosi ye ndi yo wakuyizenga, kweni Chiuta ndiyu wakuzenga vinthu vosi,’ ndipuso kuti ‘zina laki ndi Yehova.’ (Aheberi 3:4; Ekisodo 15:3) Vo khoti lingayeruzga vingafufuta cha mazu nga mu Bayibolu ngenanga pamwenga kuvifufuta mu mtima mwangu.”