Pa 12 February 2021, khoti la Birobidzhan of the Jewish Autonomous Region likumusaniya ndi mulandu Mubali Igor Tsarev. Khoti likuyeruzga kuti wangapalamulanga mulandu wewosi cha kwa vyaka viŵi ndi hafu. Igor wakengi kujeri cha pa nyengu iyu.

Pa nyengu yosi yeniyi, Igor walutirizga kuja wakukho kweniso wakugomezgeka. Pa nyengu yo wakambanga mazu ngaki ngakumaliya mu khoti pa 11 February 2021, iyu wangukamba kuti: “Ndaŵanaŵaniyanga mo ndingayambiya mazu ngangu ngakumaliya ndipu ndingusankha kuti ndigwiriskiyi ntchitu ulongozgi wo wakutumika Paulo wangupereka kwa Akhristu wosi. Mu kalata yaki yakuluta kwa Akolose, iyu wanguŵachiska kuti: ‘Longoni kuti muwonga.’

“Mwaviyo, ndikhumba kukuwongani, Yimwi Akutumbikika, chifukwa chakuchita vinthu mwachimangu pa mulandu uwu kweniso chifukwa cha kuvwisiya kwinu. . . . Kweni ndiwonga ukongwa Mulengi widu yo ndi Chiuta, Yehova, chifukwa wandiwovya pa nyengu yosi ya mulandu uwu. Iyu wandiwovya kuti ndilutirizgi kuja wakugomezgeka kweniso kuja ndi chimangu cha mumtima.”—Akolose 3:15.