Pa 2 February 2021, Khoti la muchigaŵa cha Birobidzhan of the Jewish Autonomous likuyeruzga kuti Artur Lokhvitskiy wa vyaka 35 we ndi mulandu. Khoti ili likumuyeruzga kuti wangapalamulanga mulandu wewosi cha kwa vyaka viŵi ndi myezi 6 ndipuso kuti kwa vyaka vinyaki vitatu walondongi marangu ngeningo akumupaska. Artur walutengi kujeri cha pa nyengu iyi.

Mu mazu ngaki ngakumaliya ngo wangukambiya khoti, Artur wangukamba kuti: “Ndi mwaŵi ukulu ukongwa kuti msanawale ndama panu, mwambula kutole kanthu vo khoti layeruzga. Yapa ndawona so kufiskika kwa mazu ngaku Yesu Khristu. Mazu ngenanga ngasanirika mu Bayibolu pa Mariko chaputala 13, vesi 9 ndi 10 po pakamba kuti: ‘Kweni yimwi tcheŵani. Ŵanthu azakukuperekani kumakhoti, . . . kuti uje ukaboni kwaku yiwu. Ndipuso uthenga wamampha utenere kupharazgika dankha ku mitundu yosi.’ . . . Kuziŵa fundu yeniyi kutindiwovya kuti ndikambiyengeku anyangu vo Chiuta wakhumba kuzichita kunthazi. Ndi mwaŵi wangu kukukambiyaniku fundu yakukhumbika ukongwa yeniyi, Yimwi Wakutumbikika.”