Pa 26 January 2021, khoti la muchigaŵa cha Leninskiy ku Rostov-on-Don likukamba kuti Mzichi Galina Parkova we ndi mulandu ndipu likumuyeruzga kuti kwa vyaka viŵi ndi myezi yitatu wangapalamulanga so mulandu wewosi cha. Iyu walutengi mujeri cha pa nyengu iyi.

Mu mazu ngaki ngakumaliya mkhoti, iyu wangulongoro mwachiganga kuti: “Chifukwa cha chivwanu changu pa vo ndisambira mu Bayibolu, ndivwisa chifukwa cho ndasuzgikiya msanawale. Ambuya Yesu Khristu akukambiya limu vifukwa vaki. Mu Uthenga Wamampha waku Yohane, pa Yohane chaputala 15, vesi 20, Yesu wangukamba kuti: ‘Kapolu ndi mura cha kuluska mbuyaki. Asani atombozga ini, namwi azakukutombozgani.’

“Sonu asani Yesu yo wanguchizga ŵanthu, kuŵaryiska kweniso kuŵakambiya vakukwaskana ndi Awisi ndipuso Ufumu wa kunthazi ndiyu angumutombozga kweniso kumubaya, muwona kuti ntchinthu wuli cho chingachitikiya wo atimulondo? Pakuti nditombozgeka chifukwa cha chivwanu changu, ndisimikiza kuti vo ndigomezga vauneneska.”