Pa 15 February 2021, khoti la Birobidzhan District of the Jewish Autonomous likumusaniya ndi mulandu Mzichi Svetlana Monis wakuti wachita vinthu vakukwaskana ndi gulu lakukanizika. Khoti likuyeruzga kuti mzichi uyu wapereki ndalama zakukwana madola 135 nga ku America.

Mu mazu ngaki ngakumaliya, Svetlana wangulongo chivwanu ndipuso chiganga. Iyu wangukamba kuti: “Ndikhumba kukukambiyani kuti ndama pa masu pinu . . . chifukwa cha nkhani yakukwaskana ndi Ambuya, Yesu Khristu ndi Awusefwi, a Yehova Chiuta. Vwani vo Bayibolu likamba pa nkhani yeniyi. Pa 1 Peturo 4:14-16, pakamba kuti: ‘Mwe akukondwa asani munyozeka chifukwa cha zina laku Khristu, chifukwa mzimu wa unkhankhu wo ndi mzimu waku Chiuta, we paku yimwi. Kweni pakati pinu paŵevi wakusuzgika chifukwa chakuti wabaya ŵanthu, ndi munkhungu, wachita viheni, ndipuso waselere mu nkhani zaŵeni. Asani munyaki wasuzgika chifukwa chakuti ndi Mkhristu, wangachitanga soni cha, kweni walutirizgi kukankhuska Chiuta wachipinga zina lenili.’”