SEPTEMBER 25, 2020
RUSSIA
Khoti la Russia Layeruzga Mubali Konstantin Bazhenov ndi Muwolu Waki ndipuso Mzichi wa Vyaka 73 Kuti Angapalamulanga Mulandu Wewosi Cha kwa Vyaka Viŵi
Pa 25 September 2020, khoti la mutawuni ya Yelizovsky lo le muchigaŵa cha Kamchatka lingusaniya kuti Mubali Konstantin Bazhenov, muwolu waki Snezhana, ndipuso Mzichi Vera Zolotova mbakunanga. Loya yo watiŵamba mulandu wakhumbanga kuti Mubali ndi Mzichi Bazhenov alipiri ndalama zakukwana madola 7,850 nga ku America, ndipu Mzichi Zolotova walipiri madola 5,195 nga ku America. Kweni khoti linguyeruzga kuti wosi angapalamulanga mulandu wewosi cha kwa vyaka viŵi, ndipuso akanizgikengi vinthu vinyaki kwa myezi 6. Mubali ndi Mzichi Bazhenov kweniso Mzichi Zolotova mbakukondwa chifukwa chakuti ajengi mujeri cha kweniso alipirengi ndalama yeyosi cha.