Pa 17 November 2020, khoti la muchigaŵa cha Kamchatka likukana kuti Mubali Konstantin Bazhenov ndi muwolu waki Snezhana ndi Mzichi Vera Zolotova apangi apilu mulandu wawu. Sonu, yiwu aŵayeruzga kuti angapalamulanga mulandu wewosi cha kwa vyaka viŵi. Ndipu pa nyengu iyi alutengi kujeri cha. Wosi atatu alutirizga kuja akugomezgeka kweniso akukondwa.

Pa 25 September 2020 ŵati aŵayeruzga waka, Mubali Bazhenov wangukambiya akweruzga kuti wachita mantha cha ndi vo amuyeruzga. Iyu wangukamba so kuti ndi mwaŵi kuti wafiska vo lemba la Yohane 15:20 likamba, po Yesu wangukamba kuti akusambira ŵaki azamutombozgeka.

Mubali Bazhenov wangukumbusa a khoti mazu nga pa Mateyu 28:19, 20 ngo Yesu wangulamula akusambira ŵaki kuti apharazgengi. Mubali Bazhenov wangufumba a khoti fumbu lanthazi kuti: “Ndiyani yo we ndi mazaza ngakumika pamwenga kulekesa vo Khristu wakulamula?” Ndipu wangukamba so kuti: “Ndijengi cheti cha. . . . Ndilutirizgengi kukambiya ŵanthu uthenga wamampha wo we mu Bayibolu.”