Pa 16 December 2020, khoti la muchigaŵa cha Leninskiy ku Novosibirsk, likuyeruzga kuti Mubali Yuriy Savelyev wakaje mujeri kwa vyaka 6. Mubali widu Yuriy, walutirizga kuja wakugomezgeka kweniso we ndi chiganga chifukwa chakusambira mauchimi nga mu Bayibolu.

Mazu ngaki ngakumaliya ngo wangukamba mu khoti pa 9 December, Yuriy wangugwiriskiya ntchitu mwaŵi wenuwu kuti wapereki ukaboni mwachiganga. Iyu wangukambiya weyosi yo wenga mu khoti kuti: “Uchimi wo Yesu Khristu wangukamba ufiskika sonu ndipu namwi mutijiwone mwija ndi masu nginu. Ndipu uchimi wenuwu mungawusaniya mu Malemba Ngakupaturika, mu Bayibolu pa Mariko 13:9, po pakamba kuti: ‘Kweni yimwi tcheŵani. Ŵanthu azakukuperekani kumakhoti ndipu azakukukhwechuwani mumasinagogi kweniso azakukumikani pa masu pa ŵaraŵara a boma ndi mafumu chifukwa chaku ini, kuti uje ukaboni kwaku yiwu.’”