Pa 7 October 2020, khoti la muchigaŵa cha Mayskiy ku Kabardino-Balkarian Republic likuyeruzga kuti Mubali Yuriy Zalipayev walivi mulandu wewosi. Loya wakumiya boma wapaskika mazuŵa 10 kuti wachiti apilu.

Loya wakumiya boma wangukamba kuti Mubali Zalipayev we ndi mulandu wakuti wachiskanga anyaki kuti achitengi vachiwawa. Kweni ŵanthu akujumpha 30 angukamba kuti Mubali mwenuyu wachiskanga ŵanthu kuti aŵerengengi Bayibolu, ayanjanengi kweniso achitiyanengi lisungu.

Vo khoti linguyeruzga kuti “walivi mulandu” vikoliyana ndi vo wupu wa UN Working Group on Arbitrary Detention kuti Akaboni aku Yehova achiska ŵanthu cha kuti achitengi vinthu vakofya munthowa yeyosi.

Cheruzgu ichi chati chaperekeka, Mubali Zalipayev wangukamba kuti: “Banja langu ndipuso anyangu ŵenga akunozgeka kulonde cheruzgu chechosi cho ndingapasika. Nditimuwonga ukongwa Yehova, chifukwa ndafipanga mtima ukongwa cha po andimbanga mulandu. Nde wakukondwa kweniso nditiŵawonga ukongwa wo angundimiya po andimbanga mulandu.”