Pa 23 October 2020, khoti la Oktyabrsky ku Kirov likumusaniya ndi mulandu Mubali Anatoliy Tokarev ndipu likumuyeruzga kuti walipiri ndalama zakukwana madola 6,552 nga ku America. Mubali uyu wakupasika mazuŵa 10 ngakuti wapangi apilu.

Mu mazu ngaki ngakumaliya mukhoti, Mubali Tokarev wangukamba mwachiganga kuti: “Po mulandu wangu uwu wayeruzgikanga, venga nge apolisi atindikambiya kuti: ‘Beteli kuti ukambi kuti waleka kugomezga vo ugomezga, asani po cha . . . utombozgekengi ukongwa.’ . . . Mwakutumbikika a Jaji, vo ndikambengi yapa ndikuvikambapu kali pa zuŵa lakwamba la mulandu wangu, ndipu ndiwerezengepu so msanawale. Ndingachita cha kukamba kuti ndaleka kugomezga Chiuta. . . . Nde wakunozgeka kuja mujeri pamwenga kubayika nge mo viliri ndi Kaboni waku Yehova weyosi. Ndipu ndiwona kuti nkhundinangiya zina langu kukamba kuti ndichita vinthu vakofya. Chinyaki so chakuti muziŵi yimwi a Jaji ntchakuti ndingamukana cha Chiuta, ndipu ndingazomereza cha kuti waleki kundiyanja