Pa 21 December 2020, khoti la muchigaŵa cha Leninskiy ku Rostov-on-Don likuyeruzga kuti Mubali Semyon Baybak wangapalamulanga mulandu wewosi cha kwa vyaka vitatu ndi hafu. Iyu wakengi kujeri cha pa nyengu iyi.

Pa nyengu yo Semyon wakambanga mazu ngaki ngakumaliya mukhoti mazuŵa ngamanavi kuvuli, iyu wangukamba mazu ngo munthu munyaki yo wawona vawanangwa wa ŵanthu ku Russia wangukamba kuti: “Yiwu [Akaboni aku Yehova] atombozgeka kweni amwetuliya.” Semyon wangukamba kuti: “Wenuwu mbuneneska. Ndichita chitima cha pamwenga kujivwa kuti ndatinkhika.” Pavuli paki iyu wanguŵerenga lemba la 2 Akorinto 4:8, 9 pakukonkhoska vo vitimuchitikiya kweniso vo vichitikiya Akaboni anyaki ku Russia kuti: “Tikandirizgika mu nthowa yeyosi, kweni tifinyikizika mpaka kutondeka kutukuluka cha. Timala zeru, kweni tisoŵe limu chakuchita cha. Titombozgeka, kweni tijowoleka cha, tiwisikiya pasi, kweni tinangika cha.”