Pa 28 October 2021, Khoti Likulu Ukongwa ku Russia likukonkhoska so dangu lakukwaskana ndi kuchita vinthu vakofya. Fundu yasonu mu dangu ili, yikamba kuti munthu pamwenga gulu lo lichita vinthu vakukwaskana ndi chisopa, likhumbika cha kuliwona nge kuti lichita vinthu vakukwaskana ndi wupu wachisopa wo ukukanizika. Kweni vo Khoti lenili likukonkhoska vikulekesa cha kutombozgeka kwa Akaboni aku Yehova chifukwa chakuti arara a boma ku Russia atiligwiriskiya ntchitu dangu lenili munthowa zakupambanapambana.

Mwakuyeruzgiyapu, kwambiya po dangu ili likujalikiskikiya pa 28 October, arara a boma aja achifufuza munyumba pafufupi 13 za Akaboni, akana apilu ya Mzichi Irina Lokhvitskaya ndipuso Mzichi Yelena Savelyeva wa vyaka 80, akumusaniya ndi mulandu. Kweni, pa 22 November 2021, khoti la ku Vladivostok likusaniya kuti Mubali Dmitriy Barmakin walivi mulandu.

Tiziŵa cha asani dangu lenili lilekesengi kutombozgeka pamwenga lichitiskengi kuti abali ndi azichi ajengi mujeri kwa nyengu yitali ukongwa. Mwemosi mo vingaŵiya, tilutirizgengi kuthemba ukongwa Yehova kuti wawovyengi abali ndi azichi ŵidu kukunthiyapu mwalikondwa mpaka po waperekiyengi utaski chayiwu ndipuso wamuyaya.—Salimo 146:3-5.