1. Pa 7 September 2021, khoti la Porkhovskiye lo le muchigaŵa cha Pskov likumusaniya ndi mulandu Mubali Aleksey Khabarov ndipu likumuyeruzga kuti wangapalamulanga mulandu wewosi cha kwa vyaka vitatu. Mubali uyu walutengi cha kujeri pa nyengu iyi

2. Pa 29 October 2020

   Mulandu wa mubali Aleksey ungwamba

3. Pa 28 August 2020

   Aleksey angumumba mulandu wakuti “wachita maunganu ngachisopa” ngo akaboni anyaki ‘akambiskana vakukwaskana ndi chivwanu chawu, kuŵerenga Bayibolu, kukambiskana malemba nga mu Bayibolu ndipuso kumba sumu za chisopa’

4. Pa 7 February 2020

   Aleksey angumufumba mafumbu kachiŵi. Pa nyengu yo amufumbanga mafumbu, vinguziŵika kuti arara a boma anguvwisiya ndipuso kujambula vo akambiskananga pa foni yaki mu 2018

5. Pa 31 January 2020

   Aleksey angumusaniya kuti ngwakunanga.

6. Pa 24 May 2019

   Aleksey wangulemba kalata ya apilu ndikuluta nayu ku ofesi ya Ombudsman for Human Rights muchigaŵa cha Pskov. Aleksey wangukamba kuti iyu ntchigeŵenga cha kweni ndi mteŵeti wakugomezgeka. Mura wa ofesi ya ombudsman wangumuka kuti Aleksey we ndi wanangwa wakugomezga kweniso kuchita vo wagomezga

7. Pa 3 April 2019

   Apolisi angufufuza munyumba yaku Aleksey ndipu angulonda katundu waki munyaki kweniso angumufumba mafumbu

Tikoliyana ukongwa ndi Aleksey kuti nyengu zosi Yehova watovya ateŵeti Ŵaki akugomezgeka ‘kuja ndi chiganga kweniso kuti akhwimi mtima.’—Salimo 27:14.