JANUARY 13, 2022
RUSSIA

Kuthemba Yehova Kutimuwovya Mubali Yevstigneev Kulutirizga Kuja Wakugomezgeka

JULANI

Nyengu yo Khoti Liyeruzgiyengi Mulandu

Pambula kuswera yapa khoti la muchigaŵa cha Leninskiy mutawuni ya Nizhny Novgorod, liperekengi cheruzgu pa mulandu wa Mubali Kirill Yevstigneev. Loya wa boma wechendakambi cheruzgu cho wakhumba kuti mubali uyu wapaskiki
Pa 8 October 2021

Khoti lingwamba kuvwisiya mulandu waki. Pakukonkhoska ndemanga yaki kwa wakweruzga, Kirill wangukamba kuti yiwu anguwungana kuti achiti vinthu vachisopa cha kweni kuti achezi waka
Pa 24 August 2021

Arara a boma angumukambiya Kirill kuti wangatuwangamu cha mucharu chaki
Pa 2 September 2020

Kirill angumumba mulandu wakuti “wapereka ndalama ku vakuchitika vakofya” chifukwa chakuti iyu ndiyu wangupanga lenti nyumba
Pa 11 July 2019

Arara a boma alimbananga ukongwa ndi Kirill chifukwa chakuti ndiyu wangusayina kalata kuti apangi lenti nyumba; ndipu angufufuza munyumba mwaki
Pa 4 June 2019

Arara a boma angwamba kufufuza ŵanthu anyaki chifukwa chakuwungana kweni angukamba cha ŵanthu wo apenjanga
Mu April 2019

Kirill ndi Akaboni aku Yehova anandi ku Nizhny Novgorod angupanga lenti nyumba kuti acheziyemu

Vakukwaskana ndi Munthu Uyu

Kirill Yevstigneev

Chaka cho Wakuwiya: 1979 (Nizhny Novgorod)

Mo Wakukuliya: Wanozga vipangizu vakusungamu mvuchi wakupope matayala. Wakusambira uneneska wa mu Bayibolu kutuliya kwa anyina. Wangukhorwa ndi mijalidu yamampha yo ŵanthu a mumpingu alongonga. Wakubatizika mu 1998. Wakutorana ndi Anastasiya mu 2002

Vo Kirill Wangumuka Wati Wafumbika

Ndi nkhani za mu Bayibolu nizi zo zingukuchiskani ukongwa pa nyengu iyi?

Yosefi mwana waku Yakobe wangukumana ndi mayeseru nganandi ukongwa kuluska ngo ndakumana nangu kweni wangukunthiyapu kweniso wagomezganga Yehova. Chakuwoniyapu chaku Yosefi kweniso mo Yehova wangumutumbikiya, vitindiwovya kuti ndilutirizgi kukunthiyapu.

Kumbi vo mwakumana navu vakusambizaninji vakukwaskana ndi Yehova?

Zina laku Yehova ling’anamuwa kuti iyu wangachitiska ateŵeti ŵaki kuti aje cho iyu wakhumba kuti wafiski khumbu laki. Ndi chovyu chaki, tingachita vinthu vinyaki vo pakutija tingafiska cha kuchita.

Ndasambira umampha wakuja wakugomezgeka kwaku Yehova. . . . Mumalu mwakuŵanaŵaniya mo ndingatombozgeke, ndiŵanaŵaniya vo ndingachita kuti ndilutirizgi kuvwiya Yehova kweniso mo ndingalongore chanju abali. Ndi chovyu chaku Yehova, ndingalutirizga kuja wakugomezgeka kwaku iyu ndipuso kukunthiyapu kutombozgeka kwa mtundu wewosi.

Tilutirizga kuja ndi chigomezgu asani tituvwa chiganga cho Kirill ndi muwolu waki kweniso abali ndi azichi ŵidu wosi alongo po atombozgeka ku Russia ndi Crimea.—Afilipi 1:13, 14.

NKHANI