JULY 26, 2021
RUSSIA

“Kutombozgeka Kwandiwovya Kuti Ndije Paubwezi Wakukho Ukongwa ndi Yehova”

JULANI

Nyengu yo Khoti Liyeruzgiyengi Mulandu

Pambula kuswera yapa, khoti la Pavlovskiy lo le muchigaŵa cha Krasnodar liperekengi cheruzgu chaki pa mulandu wa Mubali Vladimir Skachidub. * Loya wa boma wechendakambi cheruzgu cho wakhumba kuti mubali uyu wapaskiki
Pa 30 December, 2020

Akhoti angwamba kuvwisiya mulandu waki
Pa 23 July, 2020

Angumuŵika pamundandanda wa ŵanthu wo atiŵakamba kuti achita vinthu vakofya
Pa 23 June, 2020

Angumuyeruzga kuti ngwakunanga chifukwa chakuti wapharazganga

Vakukwaskana ndi Munthu Uyu

Vladimir Skachidub

Chaka cho Wakuwiya: 1961 (ku Pavlovskaya, Muchigaŵa cha Krasnodar)

Mo Wakukuliya: Wati waleka ntchitu ya usilikali wangwamba kusambira pa sukulu yinyaki ku Taganrog, Muchigaŵa cha Rostov, yo yisambiza kupanga mawayilesi. Apapi ŵaki akutayika iyu we ndi vyaka 25. Wanguwere kwawu kuti wakaphweriyengi mzichi waki Nataliya, yo panyengu yo wenga ndi vyaka 15. Nataliya wakutayika ndi matenda nga leukemia mu 2003. Ndipu pakumaliya paki, Vladimir wangwamba kugwira ntchitu pa fakitale yinyaki. Watanja kujambula vithuzi ndipuso kumba gitala

Vladimir wangwamba kwanja Bayibolu, Nataliya ndi munyaki Galina, ati ayamba kukambiskana ndi Akaboni aku Yehova vakukwaskana ndi Bayibolu. Wangukhorwa ndi vo Bayibolu likonkhoska pa nkhani ya chilengedu ndipu wanguzomera kusambira Bayibolu. Wanguleka kukweŵa foja ndipuso kumwa ukongwa moŵa. Wakutorana ndi Galina mu 1997. Wakubatizika mu 1998 ndipu Galina wakubatizika mu 2016

Vo Vladimir Wangumuka wati Wafumbika

Kumbi ndi vinthu wuli vo mungupempha Yehova mupempheru?

Ndingumupempha kuti wandipaski mzimu wakupaturika, wandilongozgi ndipuso wandipaski nthazi yakujumpha yo tituŵa nayu. Ŵati ayamba kufufuza, . . . Ndingupemphera kuti zina laku Yehova litoweseki pa nyengu yo ndakambiskananga ndi akufufuza. Ŵati amaliza kundifumba mafumbu, wakufufuza wangundiwonga ndipu wangundikambiya kuti ndinguchita vinthu mwaulemu ukongwa.

Kumbi ndi vinthu wuli vo mwasambira pa nyengu yo mwayesekanga vo vingazikuwovyani kunozgeke mayeseru ngo mungazikumana nangu kunthazi?

Kutombozgeka kwandiwovya kuti ndije paubwezi wakukho ukongwa ndi Yehova ndipuso kuti ndileki kuwere vuli asani ndakumana ndi mayeseru kweni ndithembengi ukongwa Yehova.

Nge Vladimir, nasi tigomezga ndi mtima wosi kuti Yehova walutirizgengi kumuwovya ‘kuti wakunthiyengepu ukongwa mwakuzikira ndipuso mwalikondwa.’—Akolose 1:11.

^ Ndi nyengu zosi cha po akambiya limu zuŵa lo khoti liperekiyengi cheruzgu.

NKHANI