FEBRUARY 16, 2022
RUSSIA
Kuzizipizga Kutovya Mubali Ivan Shulyuk Kuti Wakunthiyepu Kutombozgeka
Pambula kuswera yapa, khoti la Nazarovskiy lo le muchigaŵa cha Krasnoyarsk liperekengi cheruzgu pa mulandu wa Mubali Ivan Shulyuk. Loya wa boma wechendakambi cheruzgu cho wakhumba kuti mubali uyu wapaskiki.
Nyengu yo Khoti Liyeruzgiyengi Mulandu
Pa 18 June 2020
Apolisi wo angunyamuwa futi, angufufuza munyumba ya mubali ndi mzichi Shulyuk ndipu Ivan angumutole kujeri. Iyu angumuŵika mukachipinda kakujeri
Pa 19 June 2020
Khoti linguyeruzga kuti Ivan wakaje mujeri kulindizgiya mulandu waki
Pa 9 July 2020
Angumutuzga mujeri mo walindizgiyanga mulandu waki. Ivan amuzomerezanga cha kukambiskana ndi weyosi wakubwalu. Angumuyeruzga kuti wangatuwangapu cha panyumba paki kwamba 6:00 mulenji mpaka 11:00 mazulu, ndi chilatu chakuti waleki kugwira ntchitu
Pa 14 August 2020
Akufufuza akhumbanga kuti alutirizgi kumukanizga vinthu vinyaki, kweni chifukwa chakuti Ivan wenga ndi mbiri yamampha, venivi vinguchitiska kuti vo akufufuza akhumbanga vitondeki. Angutuzgiyaku vinthu vinyaki vinandi vo angumukaniza
Pa 17 August 2020
Ivan angumukaniza kuti wangatuwangamu cha mucharu chaki kuluta mucharu chinyaki
Pa 15 September 2021
Mulandu waki ungwamba
Vakukwaskana ndi Munthu Uyu
Tiwonga ukongwa chifukwa chakuti “Yehova waziŵa kutaska ŵanthu akujipereka kwaku iyu asani ayeseka.”—2 Peturo 2:9.